Ева Лонгорија ја открила вистината за фустанот со длабоко деколте кој Кан добро го запомни
Доколку светот не беше погоден од пандемијата на коронавирусот, овие денови холивудските ѕвезди ќе продефилираа на црвениот тепих на Канскиот фестивал.
45-годишната Ева Лонгорија се присетила на Инстаграм на овој гламурозен настан од 2006 година, кога се појави на премиерата на филмот “Pan’s Labyrinth” на Гиљермо дел Торо и ја откри вистината за тоалетата која ја носела.
Американската актерка тогаш носеше светкав фустан со цветни апликации и исклучително длабоко деколте кое всушност требало да биде на грбот.
Имено, Ева на брзање погрешно ја облекла креацијата и така излегла од хотелот.
“Смешна е приказната за овој фустан. Слетав во Кан и мојот багаж (заедно со тоалетата) не пристигна! Пристигнав во хотелот и од “L’Oreal” ми најдоа фустан во последната минута. Имав помалку од 30 минути пред црвениот тепих, така што го облеков и истрчав од соба! Како што излегов од автомобилот пред илјадници фотографи кои викаа, го видов стилистот како трча по мене, викајќи “си го облекла наопаку!!!”. Да, овој фустан е наопаку облечен и не можев ништо да сторам во врска со тоа. Длбаокиот израз беше осмислен да биде на грбот”, напишала Лонгорија во описот на фотографијата.
