Мало девојче ја изненадило Кејт Мидлтон со прашање за кралицата: Војвотката не знаела што да ѝ одговори
Кејт Мидлтон денеска се дружела со деца од една јавна градинка во Ислингтон, каде им помагала во подготовка на пици во кујна на отворено.
И додека Кејт се дружела со децата, едно девојче ѝ поставило прашање кое војвотката малку ја замислило: „Дали кралицата некогаш јадела пица?“, прашало љубопитното девојче, на што Кејт се насмеала и рекла дека - нема поим.
„Тоа е баш добро прашање, немам поим. Да ја прашам ли следниот пат кога ќе ја видам?“, му одговорила Кејт на симпатичното девојче, пренесува британскиот Дејли Меил.
И додека Кејт не била сигурна какви биле ставовите на кралицата за италијанската кујна, поранешниот готвач во Бакингемската палата тврди дека кралицата не е голем фан на пиците. „Готвев за кралицата 11 години и никогаш не ја послужив со пица“, рекол тој за Дејли Меил.
„Пицата не ѝ беше на менито дури ниту кога патувавме во Италија. Готвачите мораа да излегуваат откако кралското семејство ќе завршеше со јадење, за да јадат пица некаде надвор“, тврди тој.
