Ова е најубавата жена на светот: На листата се најде само една девојка од овие простори
Се прослави во 2007 година како 16-годишна тинејџерка, кога ја нарекоа "најубавото девојче на светот". Единаесет години подоцна, Тајлен Блонду е повторно прогласена за најубава, овој пат во изборот на "TC Candler" за 2018 година.
Листата на најубави жени на "TC Candler" започнала во 1990 година, а се тврди дека истата претставува "најразновиден избор на убавици". Нивното видео со овогодишните девојки на листата на најубави "собра" дури два милиони прегледи во само два дена.
За втора најубава жена на светот е прогласена тајванската актерка Чоу Цу-ју, а трета е израелската манекенка Јаел Шелбија. Четвртото место ѝ припадна на американско-филипинската актерка Лиза Соберано.
Кога станува збор за девојките од нашите простори, на листата на "TC Candler" се најде само 18-годишната српска Јутјуберка Марија Жежељ, која се наоѓа на 63-тото место.
Тајлен преку својот Инстаграм профил се заблагодарила на титулата и додала дека не може да поверува дека победила, а во коментари добила честитки од своите следбеници.
Блонду на само четири години носела ревија на Жан Пол Готје, а на десет години беше најмладата манекенка која некогаш се појавила во списанието Вог. Едиторијалот предизвика контроверзии низ светот бидејќи таа носеше шминка и беше облечена во краток фустан.
Ќерката на францускиот фудбалер Патрик Блонду денес е амбасадорка на Лореал и заштитно лице на парфемот на француската дизајнерка Лолита Лемпика.
