[ФОТО] Во Лондон сите погледи биле вперени во Рита Ора: Пејачката прошета во црна чипка и со маска преку очите
Британската пејачка Рита Ора се појави во четвртокот, на 15 октомври, на премиерата на филмот „Klara and the Sun“ на Филмскиот фестивал BFI во Лондон, а нејзината модна комбинација го привлече вниманието на фотографите.
Ора избрала црн фустан од чипка, со тесен крој, висока јака и долги ракави. Низ чипката се наѕирал корсетот, а фустанот во долниот дел се ширел во силуета на сирена, украсена со тридимензионални цветови изработени од црн материјал.
Најголемо внимание привлече украсот за глава. Ора носела црна шапка, а со неа и чипкана маска преку очите. Комбинацијата ја надополнила со црни чевли на потпетици.
На црвениот тепих позирала и со својот сопруг, новозеландскиот режисер Таика Ваитити, кој носел класичен црн смокинг со машна, покажуваат фотографиите на новинската агенција EPA.
Ова не е првпат Рита Ора да избере смели и необични модни комбинации за црвениот тепих. Проѕирните материјали и чипката речиси станаа нејзин заштитен знак.
На забавата на „Netflix“ во јануари 2023 година се појави во проѕирен фустан од чипка, а на Филмскиот фестивал во Венеција истата година прошета во проѕирен фустан од француски дизајнер.
На доделувањето на „MTV Europe Music Awards“ во 2024 година избра фустан од пердуви. Една од своите најнеобични комбинации ја носеше во декември 2023 година во Лондон, кога се појави на црвениот тепих со метални шилци.
Пејачката присуствуваше на 70-то издание на Филмскиот фестивал BFI во Лондон, кој трае од 7 до 18 октомври.
