[ФОТО] „Имаше прекрасно тело, сега е коски и кожа“: Адријана Лима ги покажа слабите нозе, фановите се загрижени за нејзиниот изглед

Адријана Лима носеше мини-фустан од кожа, налик на гломазна кожна јакна, со впечатлив ремен од истиот материјал. Чантата во форма на писмо и салонките во иста боја го заокружија нејзиниот шик стајлинг, со кој го следи трендот на црна облека. А модната комбинација на славната Бразилка е во знакот на уште неколку трендови – едноставност во облекувањето (повторно во црна боја) и ретро-мода со акцент на деведесеттите.

Со модната комбинација освои комплименти, но нејзината преслаба линија ги засени сите модни детали.

Адријана Лима покажа повеќе од витка линија. Коментарите зборуваат многу: „Се надевам дека не е анорексија. Нозете никогаш претходно не ѝ биле вака слаби“, „Какви се овие нозе?“, „Оземпик тело“ (се алудира на лекот кој се користи во лекувањето на дијабетес и строго треба да се употребува за таа намена и под надзор на лекар), „Боже мој! Адријана имаше прекрасно тело, сега останаа само коски и кожа“, „Мис Оземпик“...

Коментарите главно се мотивирани од загриженоста на нејзините фанови, меѓу кои има и такви кои го фалат изгледот на Лима, но преовладуваат реакциите со кои се изразуваат чудење и шок.

Адријана Лима доби вишок килограми за време на третата бременост. Да потсетиме, во август 2022 година со сопругот Андре Лемер го доби синот Сајан. За жал, манекенката беше изложена на негативни коментари, па се истакнуваше дека неповратно ја изгубила некогашната линија, а неретко се зборуваше и дека лицето ѝ отекло од ботокс.

Славната манекенка по лавината критики порача дека нејзиниот изглед е одраз на заморот со кој се бори како мајка, иако во интервју за „Vogue“ напомена дека многу тешко ја поднела третата бременост (да потсетиме, славната манекенка од бракот со Марко Јариќ ги има ќерките Сиена и Валентина).

Во август 2024 година стана очигледно дека Лима драстично ослабела. Кога се појави во Париз, каде што учествуваше на Модната недела, покажа драстично поинаков изглед. Сето тоа кулминираше на ревијата на „Victoria's Secret“ во 2025 година во Њујорк, кога прошета по пистата.

Се споменуваше дека Лима ослабела 20 килограми, а оттогаш до денес забележливо е дека нејзината тежина е значително помала. На пример, сега изгледа послабо отколку во 2021 година.

Манекенката не открила на кој начин успеала да се избори со вишокот килограми, освен што објавуваше снимки од тренинзи и фотографии од здрава храна, со што покажуваше дека вежбањето и внимателно испланираните оброци се клучот за сè.

Меѓутоа, таа не само што го изгубила вишокот килограми, туку ослабела и над таа граница. Се сомнева дека одредени естетски корекции се заслужни за тоа што на 45 години изгледа речиси како на почетокот на кариерата. Сепак, експертите се поделени, па некои истакнуваат дека генетиката и негата се главните причини за нејзиниот младолик изглед.

Кога станува збор за исхраната, познато е дека нејзиното мени го осмислуваат нутриционист и експерт за кинеска медицина. Таа е фокусирана на немасни протеини (риба и пилешко), многу зеленчук, наут, едамаме и многу вода, пишува „Sterimar FR“.

Лима тврди дека се противи на ригорозни и исцрпувачки диети, бидејќи енергијата ѝ е неопходна за напорните тренинзи. Покрај јогата и пилатесот, клучни резултати ѝ донеле високоинтензивните HIIT тренинзи, статичниот велосипед и нејзината голема љубов – боксот, кој го практикува со личен тренер.