Полскиот премиер Доналд Туск предупредува за реалната безбедносна закана< од Русија и потенцира дека Полска мора да биде подготвена за различни сценарија, нагласувајќи дека ќе одговорат заедно со сојузниците доколку бидат нападнати.
Полскиот премиер Доналд Туск предупреди дека Полска мора да биде подготвена за различни безбедносни сценарија, оценувајќи дека Русија веќе води хибридна војна против неговата земја.
„Полска и полскиот народ во никој случај не можат да си дозволат наивност. Мора да ги темелиме нашите постапки на факти, а тие факти се недвосмислени“, изјави Туск на прес-конференција со австрискиот канцелар Кристијан Штокер.
Тој рече дека заканата од руски провокации е реална и дека Варшава веќе не разговара за тоа дали Москва планира нешто, туку како земјата да се подготви за можните сценарија.
