По пресудите за поранешните водачи на ОВК во Хаг, се случија тензии и судири при протестот на поддржувачите на Хашим Тачи и другите обвинети, кои резултираа со употреба на воден топ од страна на полицијата и оштетување на полициски возила.
Кусо по пресудите за поранешните водачи на ОВК во Хаг, протестот на собраните поддржувачи на плоштадот Маливелд ескалира во судири, при што полицијата употреби воден топ, јавуваат холандски медиуми.
Неколку стотици Албанци од Косово се собраа пред судот за да им дадат поддршка на Хашим Тачи, Кадри Весели, Реџеп Селими и Јакуп Красниќи за време на изрекувањето на пресудата.
РТС јавува дека група демонстранти со камења, гранки и јарболи од знамиња ги гаѓала припадниците на специјалните полициски сили. Според информациите на телевизијата, која се повикува на извештаи на холандските медиуми, некои од собраните се качиле на покривот на полициско возило во движење и скокале врз него, додека други ги оштетиле ретровизорите и фрлале предмети кон службените возила.
Полицијата реагирала со силно потиснување на демонстрантите. По интервенцијата, ситуацијата во Хаг се смирила, а собраните се разотишле.
BREAKING: Unrest erupts in Kosovo after Hashim Thaçi is sentenced to 25 years in prison. pic.twitter.com/r9xpQTbnuq
— Fitim Çeku (@CekuFitim) September 16, 2026
Специјализираните совети на Косово во Хаг ги осудија четворицата поранешни водачи на ОВК – Хашим Тачи, Јакуп Красниќи, Кадри Весели и Реџеп Селими – на вкупно 81 година затвор за воени злосторства.
Насловна фотографија генерирана со АИ
