Ливерпул-Атлетико Мадрид е еден од натпреварите кој ќе ја одбележи денешната програма во Лигата на шамионите, двајца редовни учесници во ова натпреварување, две екипи кои можат да му направат проблеми на било кој тим на светот и да стигнат до самиот крај без разлика на тоа што во моментов можеби не изгледаат баш најдобро и покажуваат слабости.
Ова ќе биде деби за Андони Ираола во ЛШ, стратег кој летово пристигна на „Енфилд Роуд“ и се обидува да ги спроведе неговите идеи кои даваа резултати во претходните помали средини.
- Да, секако мислам дека ова е посебна ноќ за мене. Сите зборуваат за ноќите од Лигата на шампионите на „Енфилд“, а првиот натпревар ќе биде против силен противник, Атлетико Мадрид. Симеоне одлично ја врши работата како менаџер. Мислам дека она што го постигнува за целите на клубот секоја сезона, година по година, е извонредно и секако е голем предизвик за нас.
- Тој сигурно има многу повеќе искуство од мене во ваков тип натпревари, но се надевам дека ќе можеме да одиграме добро. Ми беше тешко, кога ја започнав мојата тренерска кариера пред седум или осум години, да стигнам до местото каде што сум сега, и се надевам дека ќе уживам во ова искуство.
- Ова е голема одговорност и огромен предизвик, но се чувствувам горд што сум на клупата, а во моментов мојот фокус е на градење на тимот на најдобар можен начин, за да одиграме добро, да победиме и да започнеме силно во Лигата на шампионите, - истакна Ираола кој смета дека Атлетико е вистински тест за нив како група.
- Мислам дека е натпревар од Лигата на шампионите, ова е нашиот прв натпревар против еден од најсилните тимови со кои ќе се соочиме, но на крајот на краиштата, тоа е фудбал. Играме и против одлични тимови во Премиер лигата.
- Мислам дека добро го познавам Атлетико Мадрид и некои од нивните играчи. Ќе биде тежок натпревар, навистина ќе беше дури и да не бев менаџер, бидејќи ова е наш прв натпревар во Лигата на шампионите против друг голем клуб. Ова е прекрасен натпревар и вистински тест за тимот како целина и мислам дека ќе ни го покаже нивото на нашите перформанси. Покажавме добри знаци минатиот петок, а сега да видиме каде стоиме против тим како Атлетико Мадрид, - заврши стратегот.
