Фотографија од менито на гостилницата „Југославија“ од Свилајнац, од 1930 година, го „вжешти“ „Reddit“ бидејќи нема истакнати цени, а понудата се сведувала само на јадења на скара и пржени јадења.
Фотографијата од автентично мени на предвоената гостилница „Југославија“ од Свилајнац, направена во триесеттите години од минатиот век, се појави на „Reddit“ и предизвика вистинска лавина од реакции.
Она што на сите веднаш им падна в очи е несекојдневниот детаљ – на менито воопшто нема истакнати цени на храната и пијалаците. Самиот избор на јадења бил строго ограничен на само неколку специјалитети, при што убедливо доминирале пржените јадења и класичната скара, со скромна понуда на пијалаци.
Кога оваа понуда ќе се спореди со денешните угостителски објекти, се забележува драстична разлика. Современите ресторани и кафеани денес нудат далеку побогато и поразновидно мени, од ладни и топли предјадења, преку главни јадења и јадења на скара, па сè до интернационална кујна, специјални десерти и пијалаци.
Покрај тоа, современите менија се приспособени и на посебни режими на исхрана, како што се вегетаријанските и веганските јадења или оброците без глутен, со задолжително и јасно истакнати цени за секоја ставка.
Коментарите под објавата само се нижеле:
„Господски. Нема непотребно комплицирање. Нема јајца од носорог. Имаш топло и вкусно нешто да јадеш, и луто нешто да се напиеш“, „Дајте цените да ги видиме!“, „Ништо посно“, пишуваа корисниците под објавата.
