За време на престојот, Кејт го посетила Свети Стефан и две луксузни плажи – Милочер, позната и како Краљичина плажа, и плажата веднаш до Свети Стефан.
Холанѓанката Кејт, која патува низ Европа со својата препознатлива розова Веспа, ја посетила Црна Гора, една од омилените летни дестинации за многумина. На својот Инстаграм профил, таа редовно споделува впечатоци од своите патувања, презентира интересни факти за европските градови и знаменитости и споредува цени на туристичките дестинации.
За време на престојот, таа го посетила Свети Стефан и две луксузни плажи - Милочер, позната и како Краљичина плажа, и плажата до Свети Стефан. На обете, цената за изнајмување чадор и две лежалки е дури 200 евра.
Кејт забележала дека Краљичина плажа е целосно празна, додека на плажата до Свети Стефан, како што вели, имало посетители порано, но во моментот на нејзиното пристигнување речиси и да немало никој таму.
На крајот, таа избрала друга плажа каде што изнајмувањето лежалка и чадор чинела 30 евра, а особено била изненадена од контрастот помеѓу високите цени и речиси празните луксузни плажи.
„Никогаш не сум видела вакви цени на Сејшелите или на Фиџи“, напишала таа во објавата на Инстаграм.
Што мислите вие за ваквите цени во дел од познатите летувалишта и дали би ги посетиле знаејќи ги истите?
