Актерката и режисерка се појавила на настан на „Ферагамо“ во Топинг Роуз Хаус во Бриџхемптон, каде што пристигнала во друштво на мажот со кого во последните недели сè почесто ја поврзуваат. Уште еднаш потврдила дека најдобрите модни комбинации често настануваат со спојување на парчиња облека кои на прв поглед немаат многу заедничко.

Проѕирната црна кошула ја искомбинирала со здолниште во шампањ нијанса, прекриено со долги реси кои му давале дополнителна динамика на секој нејзин чекор. Додека едноставниот крој на кошулата ја балансирал раскошноста на долниот дел од комбинацијата, сјајната текстура на здолништето му дала доза на гламур, совршено приспособена за вечерен настан.

Чевлите што ја освојуваат модната сцена

Посебно внимание привлече изборот на обувките. Холмс носела „Ferragamo Itaca“ лакирани сандали со висок горен дел што покрива поголем дел од стапалото – силуета која се наметна како еден од најголемите трендови за 2026 година.

Моделот ја спојува елеганцијата на класичните салонки со удобноста на влечките, а благодарение на впечатливиот горен дел, целата комбинација доби помодерен и поостар изглед.

Стајлингот го заокружила со Ферагамо мини чантичка во црвена нијанса чија цена изнесува 1.650 долари. Интензивната црвена боја беше впечатлив контраст на понеутралните тонови на модната комбинација, но и детаљ што ја направи целата комбинација уште поинтересна.

Сепак, вниманието не го привлекоа само модните избори. Холмс и Јармоски уште на почетокот на јули поттикнаа гласини за романтична врска, откако заедно пристигнале на проекцијата на филмот „The Invite“ на режисерката Оливија Вајлд во Ист Хемптон.

„Ѝ шепотеше на уво, а таа се смееше. Изгледаа многу опуштено заедно, а целата вечер не ја симнуваше насмевката од лицето“, изјавил тогаш извор за Пипл. „Седеа заедно за време на филмот, а во еден момент таа ја потпре главата на неговото рамо. Изгледаа многу симпатично“, додал изворот.

Нивното ново заедничко појавување дополнително ги поттикна гласините за љубовна врска, а се чини дека Јармоски, по неколкуте опуштени заеднички излегувања во Њујорк би можел да стане и нејзин постојан придружник на јавните настани.