Македонките се опседнаа со виралниот напиток на ТикТок за блескава кожа: Експертите конечно открија дали навистина делува

Од почетокот на летото, на социјалните мрежи кружат бројни снимки во кои корисниците го подготвуваат таканаречениот „Glow Juice“, едноставен напиток од сок од морков и кокосова вода, во кој многумина додаваат сок од лимон, ѓумбир или куркума. Хаштазите како #CarrotGlow и #BareFaceSummer собраа милиони прегледи, а инфлуенсерите тврдат дека токму овој напиток е причината поради која нивната кожа изгледа блескаво и здраво.

За разлика од бројните вирални „beauty“ трикови, овој тренд сепак има одредена научна основа. Главната состојка, сокот од морков, е богат со бета-каротен, пигмент кој организмот го претвора во витамин А, важен за нормалната функција на кожата. Дерматологот д-р Тим Голике објаснува дека редовното внесување поголеми количини бета-каротен со текот на времето може да влијае врз нијансата на кожата и предупредува дека резултатите нема да се појават преку ноќ:

„Ако дојде до промена, таа нема да биде видлива по само неколку дена. Потребни се недели редовно внесување поголеми количини бета-каротен, а резултатот се разликува од човек до човек“.

Со други зборови, овој напиток нема да создаде исончан тен, ниту може да го замени сончањето. Експертот предупредува дека кај лицата кои подолг период внесуваат поголеми количини бета-каротен може да дојде до насобирање на пигментот во површинскиот слој на кожата, поради што таа добива потопла, златно-жолтеникава нијанса. Оваа појава се нарекува каротенемија, безопасна е и минлива, а исчезнува по намалувањето на внесот на бета-каротен, пренесува  „premiummedicalcircle.com“.

Иако кокосовата вода често се претставува како важен дел од овој „beauty“ напиток, експертите истакнуваат дека нејзината најголема предност не е во негата на кожата, туку во хидратацијата. Таа содржи електролити, особено калиум, па може да помогне во надополнување на течностите по престој на сонце или за време на големи горештини. Д-р Тим Голике смета дека називот „glow“ може да создаде погрешни очекувања и истакнува:

„Кожата поради тоа автоматски не станува поздрава ниту поблескава. Она што многумина го доживуваат како ’glow‘ всушност е блага златно-портокалова нијанса на површинскиот слој на кожата предизвикана од бета-каротенот“, пишува „Večernji hr“.