[ФОТО] Селекторот на Швајцарија е главна тема на социјалните мрежи: Поради изгледот го споредуваат со славниот актер

Имено, Јакин за време на натпреварот меѓу Швајцарија и Колумбија во осминафиналето на Светското првенство привлече внимание со својот стил. Носеше сино сако и панталони, кои ги искомбинира со бела маица и патики.

Со затемнетите очила и фризурата, неговиот изглед многумина на социјалните мрежи неодоливо ги потсети на данскиот актер Мадс Микелсен.

„Ова е навистина лудо, Швајцарците го имаат Мадс Микелсен за тренер?“, се пошегува еден корисник на „X“, а потоа следуваа бројни слични коментари.

„Швајцарија го доби Мадс Микелсен за тренер, победуваат во секој случај“, „Некако сакам Швајцарците да победат затоа што за тренер го имаат турскиот Мадс Микелсен“, пишуваа понатаму.

Сепак, тука не завршија споредбите, па некои се шегуваа дека Јакин изгледа како „дилер на кокаин од 70-тите“, но и како лик од филмовите на Квентин Тарантино.

На други, Јакин им наликувал на јапонскиот комичар Коџи Ката, а некои пишуваа дека неговото однесување ги потсетува на ликот на професорот од серијата „Money Heist“.

„Швајцарскиот тренер изгледа како негативец од филмовите за Џејмс Бонд“, „Кога имаш натпревар меѓу Швајцарија и Колумбија во 21 часот, а техно диџеј сет во 3 часот наутро“, беа дел од коментарите.

Швајцарија на крајот обезбеди пласман во четвртфиналето на Светското првенство, откако во Ванкувер ја совлада Колумбија со 4:3 по подоброто изведување пенали.