Диего Марадона секогаш ќе остане запаметен како еден од најголемите играчи на сите времиња, а особено недостасува во периоди кога се актуелни Светските првенства.
И по крајот на играчката кариера, неповторливиот Аргентинец беше стандареден декор од секое големо натпреварување како ВИП гостин на трибините, а по мундијалот во 2018-та година даде една изјава која во овој период стана посебно вирална.
Во период кога се зборуваше за мундијал на кој домаќините ќе бидат САД, Канада и Мексико, Марадона даде најава каква промена ќе активираат Американците, а осум години подоцна, испадна дека големиот Дон Диего знаеше што зборува.
– Не ми се допаѓа идејата за Светско првенство во три земји. Канаѓаните се добри скијачи, а не фудбалери. Американците сакаат да воведат четири четвртини по 25 минути поради реклами. На крајот ќе гледаме фудбалски натпревари кои ќе траат 100 минути, – изјави Марадона, а неговото пророштво се исполни со воведување на бизарно правило за хидрирање на фудаблерите.
ФИФА испорача правило за прекин на средина на полувремињата поради хидрирање, а од задолжителната пауза која трае три минути најголем профит има токму светската Федерација, која успеа да инаксира милиони евра од компаниите кои се рекламираат за време на споменатата пауза.
SE VUELVE VIRAL LA PREDICCIÓN DE MARADONA SOBRE EL MUNDIAL 2026.
— RTP Ecuador 96.5 Fm (@RtpEcuador) June 29, 2026
Un antiguo comentario de Diego Maradona, realizado en 2018, volvió a viralizarse durante el Mundial 2026. En aquella ocasión, el astro argentino bromeó sobre la organización del torneo al decir que "Canadá que… pic.twitter.com/G5JDeQtNFi
