Базенот, со големина на просечен автомобил, стоел пред нејзината куќа во последните две недели, сè додека не дошла полицијата и не ѝ кажала дека мора да го испразни, во спротивно ќе добие казна, раскажала сопственичката.

Базенот, кој бил веднаш покрај оградата, не пречел на самата улица, но дефинитивно предизвикувал чудење кај секој што поминувал покрај него. 

Таа е разочарана што нејзините внуци повеќе не можат да се капат во базенот, кој го поставиле пред оградата за нив, бидејќи во дворот немало место за толку голем базен.

„Соседите не се жалеа“

„Базенот беше тука две недели и, колку што знам јас, никој од соседите не се пожали“, рекла жената. „Децата се капеа во тој базен цел ден, а за среќа наскоро ќе одат на море“.

Како што вели, доколку некому му пречел, сигурно некој од соседите веќе ќе ѝ кажел, но е свесна дека базенот може да биде проблем.

„Подоцна снаата ми ги прочита коментарите. Луѓето пишувале дека ќе фрлат солна киселина во него. Па замислете моите внуци да влезат во таков базен?“, исплашено рекла бабата. „Нека имаат на душа три дечиња“.