„Apple“ ги класифицираше овие протечени информации како чувствителни, а компанијата е сериозно загрижена поради нивното споделување на „dark web“.
Според најновите информации, „Apple“ се соочува со еден од најголемите безбедносни пробиви во својата историја. Само неколку месеци пред официјалното претставување на серијата „iPhone 18 Pro“, хакери наводно објавиле фотографии, видео од тест за отпорност при пад, листа на добавувачи и информации за клучните компоненти на телефонот.
Минатата недела беше објавено дека „Tata Electronics“, добавувач и производител на „iPhone“ уреди за „Apple“ во Индија, бил цел на сајбер-напад и кражба на податоци.
Како последица на нападот, беше соопштено дека повеќе од 200.000 деловни тајни и доверливи документи, кои им припаѓаат на „Apple“ и „Tesla“, биле украдени од страна на ransomware групата „World Leaks“.
Според „Reuters“, оваа група веќе објавила на „dark web“ листи на добавувачи, информации за компонентите и фотографии од претстојните модели „iPhone 18 Pro“.
Меѓу материјалите што ги објавиле хакерите се наоѓа и видео од drop-test за „iPhone 18 Pro“, чија официјална премиера се очекува во септември.
Телефонот е прикажан во сива боја и го задржува препознатливиот дизајн што веќе го видовме кај минатогодишната серија „iPhone 17 Pro“.
Alleged iPhone 18 Pro footage has surfaced online.
— Rock Leaks (@rockleaks) June 30, 2026
The leak appears to show Apple's next-generation flagship in a new Deep Space Gray finish. #Apple #iPhone18ProMax #iphone18pro https://t.co/tIimlCjqH9 pic.twitter.com/XGaLwfbOb1
Уредот изгледа прилично издржлив, иако се чини дека е подебел од својот претходник. Едно од можните објаснувања е дека „Apple“ можеби користи батерија со поголем капацитет кај серијата „iPhone 18 Pro“.
Покрај тоа, „Reuters“ наведува дека имал увид во најмалку шест документи кои ги поврзуваат бројните компоненти на моделите „iPhone 18 Pro“ со нивните соодветни добавувачи.
Документите содржат информации за чиповите на матичната плоча, како и за батеријата, камерата и многу други компоненти. Наводно, тие детално опишуваат стотици делови што ќе бидат вградени во новите модели.
Извор запознаен со случајот изјавил за „Reuters“ дека „Apple“ овие информации ги смета за строго доверливи и дека компанијата е „загрижена поради објавувањето на документите на ’dark web‘, бидејќи тие се однесуваат на модели што сè уште не се официјално претставени“.
Според истиот извор, „Apple“ веќе спроведува внатрешна истрага за инцидентот, но компанијата засега не објавила официјално соопштение.
