До тој момент Велез беше релативно непозната за пошироката фудбалска јавност, но нејзиното јавување во живо во пресрет на натпреварот многу брзо ја направи вирална тема на социјалните мрежи.

Контроверзија во пренос во живо

Сè се случило за време на стандардно теренско јавување пред натпреварот на американската репрезентација. Она што требало да биде вообичаена спортска најава се претворило во контроверзија по нејзините изјави за Босна и Херцеговина.

Велез во јавувањето навела дека не би знаела да ја пронајде Босна и Херцеговина на мапа, а додала дека речиси ништо не знае за земјата и рекла дека не ја интересира дополнителното информирање. На крајот порачала и дека САД „треба да бидат подготвени за средбата“.

Изјавите за кратко време се проширија на социјалните мрежи и предизвикаа бројни критики, особено меѓу навивачите од БиХ, кои ги оценија како непочитување и непрофесионалност. Дел од реакциите стигнаа и од САД, каде што корисниците истакнаа дека е непримерно новинарка на глобален настан јавно да покажува неинформираност за една од земјите-учеснички во натпреварувањето, по што таа се извини за својата изјава.

Која е Абигејл Велез?

Абигејл Велез е теренска репортерка и повремена водителка на телевизиската станица ЕЈ-Би-Си 7 Лос Анџелес. Нејзината работа вклучува известување за локални вести, судски процеси и настани во живо.

Родена е во Ел Пасо, Тексас, а дипломирала мултимедијално новинарство на Универзитетот „Incarnate Word“. За време на студиите работела во студентски медиуми и учествувала во новинарски проекти и здруженија.

Пред телевизиската кариера учествувала и на избори за убавина — во 2022 година ја освоила титулата Мис Сан Антонио САД, а претходно била и Мис Ел Пасо Тин САД.

Кариера пред Лос Анџелес

По дипломирањето во 2022 година, почнала да работи на локална телевизија во Северна Каролина, а подоцна се преселила во Остин, каде известувала за судски случаи, временски непогоди и ударни вести.

Иако ја градела кариерата преку класични репортерски задачи, нејзиното име сега се најде во фокусот на јавноста поради изјавите што ја засенија нејзината досегашна професионална работа.