Денес сето тоа е сосема нормално.

Всушност, толку е нормално што повеќе ни не размислуваме за тоа. Многу работи што требало да го поедностават животот станаа толку вообичаени што ги прифаќаме без преиспитување, иако пред само неколку години би ни звучеле целосно неверојатно.

Состанок кој можел да биде мејл

Постои причина зошто изразот „this meeting could have been an email“ стана еден од најпопуларните бизнис-мемови на интернет.

Повеќето луѓе барем еднаш седеле на состанок кој траел еден час за да се пренесе нешто што можело да се собере во две реченици. Технологијата требало да ја забрза комуникацијата, но често само добивме повеќе начини за организирање состаноци.

Кога само сакаш да провериш една порака

Го отворате Инстаграм за да проверите една порака.

Дваесет минути подоцна гледате човек кој објаснува како направил базен во дворот, потоа рецепт за тестенини што никогаш нема да ги зготвите, а потоа и видео од мачка што патува со воз низ Јапонија.

Феноменот дури има и свое име – doomscrolling. Денес содржината едноставно не завршува. Секогаш постои уште едно видео, уште една занимливост или уште една приказна која вреди да се погледне.

Организацијата на една пијачка стана проект

Некогаш некој едноставно ќе напишеше: „Се гледаме во осум?“

Денес организацијата на едно обично излегување често вклучува групен чет, анкета за термин, расправа за локација, споделување локација и неколку потсетници.

Понекогаш се чини дека договарањето на пијачка трае подолго од самата пијачка.

Телефонот нè потсетува да бидеме луѓе

Денешните телефони можат да нè потсетат да станеме, да прошетаме, да пиеме вода, да си легнеме порано или да поминеме време на свеж воздух.

И многу од тие функции навистина се корисни. Но има нешто малку смешно во моментот кога уредот ви испраќа известување дека е време да се одморите од уредот.

Разговараме со вештачка интелигенција за работи што порано би ги прашале пријатели

Вештачката интелигенција денес им помага на луѓето да пишуваат мејлови, да организираат патувања, да составуваат биографии или да планираат тренинзи.

Но сè почесто се користи и за многу поинтимни теми. Како да се одговори на непријатна порака? Како да се реши недоразбирање со колега? Како некому учтиво да му се каже дека не можете да дојдете на настан?

Ако некој пред десет години би рекол дека такви работи ќе ги прашуваме чет-ботови, би звучело како научна фантастика.

Ако по сите овие примери ви се чини дека секојдневието понекогаш изгледа малку апсурдно, не сте единствени.

Токму на таа идеја настанала платформата на Somersby „Time Out From Bull#it!“, која на хумористичен начин потсетува на малите модерни апсурди што со текот на времето сме ги прифатиле како сосема нормални.

Претплатите станаа начин на живот

Музика, филмови, серии, складирање фотографии, апликации за работа, апликации за тренинг.

Повеќето луѓе денес користат барем неколку претплати, а многумина користат и повеќе отколку што мислат. Најчесто тоа го сфаќаме дури кога ќе погледнеме месечен извод од картичката и се обидеме да се сетиме што всушност е таа уплата од неколку евра.

Некогаш купувавме производи. Денес главно ги претплаќаме.

Кога сè стана „паметно“?

Паметни телевизори, паметни брави, паметни сијалици и паметни фрижидери.

Технологијата овозможи работи што порано беа незамисливи, но понекогаш се чини дека стигнавме до точка во која речиси секој предмет сака своја апликација, корисничка сметка и повремено ажурирање на софтверот.

Некои луѓе без проблем со глас управуваат со осветлувањето во станот. Други сè уште се прашуваат зошто обична сијалица воопшто има потреба од пристап до интернет.

Можеби не ни треба уште една апликација

Повеќето работи од оваа листа всушност не се лоши. Многу од нив се корисни, некои се забавни, а некои навистина ни го олеснија животот.

Но можеби токму затоа е добро понекогаш да застанеме и да забележиме колку секојдневието станало необично.

Затоа што меѓу пораки, состаноци, известувања, групни разговори, алгоритми и бесконечна содржина, лесно е да заборавиме колку убав може да биде моментот во кој ништо посебно не се случува.

Неколку пријатели, добар разговор и летна вечер. Без потреба сè да фотографираме, споделуваме, коментираме или оптимизираме.

Можеби токму затоа идејата „Time Out From Bull#it!“ им е толку блиска на многумина. Не затоа што проблемот е во технологијата, туку затоа што понекогаш е сосема во ред да се оддалечиме од сета таа бучава и едноставно да уживаме во моментот.