Ријалити ѕвездата била на стартната линија пред трката во недела за да го поддржи своето момче Луис Хамилтон, а Брандл ѝ се приближи за време на неговата позната прошетка по патеката за Скај Спортс. Сепак, Кардашијан и нејзината сестра Клои, која била со неа, одбиле да разговараат со новинарот, предизвикувајќи бес на социјалните мрежи.

Обожавателите се бесни поради „чистата ароганција“

Незгодниот момент предизвика лавина негативни коментари на социјалните мрежи.

„Дали Ким Кардашијан е толку голема што не може да разговара со Мартин Брандл? Целосен недостаток на стил“, напишал еден корисник.

„Па зарем можевме да очекуваме нешто друго од тоа Ким Кардашијан да одбие да разговара со Мартин Брандл? Таа е позната по апсолутно ништо, не може сама да држи чадор и го игнорира Мартин додека талентирани спортисти и меѓународни актери го прегрнуваат. Таа нема место на нашата стартна линија“, додал друг.

Еден гледач повикал на драстични мерки: „Можеме ли ве молиме да им забраниме пристап на Формула 1 на неблагодарните луѓе како Ким Кардашијан и Кара Делевињ кои не покажуваат почит? Ако не сакате да покажете почит кон луѓето кои го прават овој спорт тоа што е, тогаш немате што да барате во нашиот свет“.

„Ким Кардашијан не можеше да одвои 20 секунди од своето драгоцено време да разговара со Мартин Брандл, беше ужасно да се гледа. Тоа е чиста ароганција. Не бара многу, нели? Само неколку зборови за тоа како се чувствува“, коментирал друг незадоволен гледач.

„Колку безобразна беше Ким Кардашијан? Брандл е тука за да постави прашање, а таа гледа во некој човек за да види дали воопшто вреди да се разговара со Брандл. Бедно“, гласи друг коментар.

„Не можам да верувам дека Луис не ја запознал Ким Кардашијан со легендарниот статус на Мартин Брандл“, заклучил еден обожавател, додека друг додал: „Ким Кардашијан само го гледа Мартин Брандл и го игнорира додека оди по патеката. Таа знае дека ѝ е дозволено да користи зборови, нели?“.

Кој е Мартин Брандл?

Мартин Брандл е почитувано име во светот на мотоспортот.

За време на неговата возачка кариера, тој се искачил на подиумот девет пати во 12 сезони во Формула 1. Тој, исто така, го освоил Светското првенство во спортски автомобили и познатата трка 24 часа Ле Ман.