Поттикот за промена

Хедер го започнала своето патување кон слабеењето откако била одбиена од маж кој го запознала преку апликација за запознавање. Во тоа време тежела 161 килограм, а признава дека постојаните одбивања длабоко ја повредувале.

„Ме болеше затоа што знам што имам да понудам“, изјавила таа.

„Се сеќавам дека речиси на секој состанок ми велеа: ’Убава си, но едноставно не излегувам со покрупни жени‘.“

Со одбивањата се справувала преку прејадување.

„После тоа одев во ’драјв-ин‘ и се прејадував. Тоа беше мојот издувен вентил“, објаснила таа.

Пресвртниот момент за неа била една важна мисла:

„Но, како можам да очекувам некој да ме сака ако прво јас самата не се сакам?“

Тежок почеток и нови навики

Почетокот не бил лесен. Покрај студиите и работата со полно работно време, Хедер тешко наоѓала време и мотивација.

„На почетокот на процесот на слабеење се чувствував како да немам избор“, рекла таа.

„Морав да научам како да најдам време за готвење и секојдневно пешачење. Секогаш барав изговори за да не готвам дома.“

И вежбањето на почетокот претставувало предизвик.

„Вежбањето ми беше многу тешко на почетокот. Се сеќавам кога првпат влегов во теретана – не знаев што правам, а луѓето ме гледаа“, се присетува таа.

Одлучила целосно да ја исфрли брзата храна и да се фокусира на интегрални и нутритивно вредни намирници, да пие повеќе вода и однапред да подготвува здрави ужинки како јаткасти плодови и пуканки.

„На почетокот адаптацијата беше тешка, но со текот на времето стана многу полесно“, додала таа.

Целосно природна трансформација

Хедер нагласува дека целиот процес го поминала природно, без операции и хируршки интервенции.

„Сè постигнав целосно природно, само со промена на исхраната и фокус на 10.000 чекори дневно“, вели таа.

„Во теретана се зачленив дури откако ги изгубив првите 36 килограми.“

По три и пол години посветеност и труд, Хедер е полесна за 82 килограми и се чувствува подобро од кога било.

„Откако ослабев, стекнав огромна самодоверба“, заклучила таа.