Важно е да знаете дека овие правила важат и за туристите, без никакви исклучоци. Затоа е добро да проверите што се променило и како да избегнете непријатности на патот пред поаѓање.

Главна причина за сообраќајни несреќи

Користењето мобилен телефон додека возите станува една од главните причини за сообраќајни несреќи низ целиот свет, а грчките власти сега ги казнуваат прекршителите со многу високи казни.

Важно е да се напомене дека возачите кои држат телефон во рака додека возат реагираат половина секунда побавно од оние кои возат без телефон. Оваа разлика од половина секунда значи растојание на запирање за дури 14 метри подолго при брзина од 110 км/ч. Новиот Закон за безбедност во сообраќајот во Грција, кој целосно стапи на сила минатиот септември, воведува построги казни за оние кои прават сериозни и опасни сообраќајни прекршоци, според „Грција Инфо“.

Прекршокот често се евидентира

Меѓу навиките што станаа секојдневие, а воедно и една од главните причини за сериозни несреќи, е употребата на мобилен телефон при возење. И покрај постојаните кампањи, предупредувањата од експертите и статистиката што јасно го покажува зголемениот ризик од несреќи, овој прекршок сè уште се евидентира многу често.

Поточно, користењето мобилен телефон при возење е казниво со:

📌Првпат: 350 евра и одземање на возачка дозвола за 1 месец;
📌Вторпат: 1.000 евра и одземање на возачка дозвола за 6 месеци;
📌Трет пат: 2.000 евра и одземање на возачка дозвола за 1 година.

Што се случува ако телефонот предизвика несреќа?

Ако се случи сообраќајна несреќа поради користењето на телефонот:

📌Првпат: 350 евра и одземање на возачка дозвола за 1 месец;
📌Вторпат: 2.000 евра и одземање на возачка дозвола за 4 години;
📌Трет пат: 4.000 евра и одземање на возачка дозвола за 8 години.

Во сите овие случаи се предвидени и затворски казни.