Американската војска тајно придружува десетици трговски бродови низ Ормускиот теснец, избегнувајќи конфликти со иранските сили, со исклучени системи за следење за време на последните недели.
Американските воени сили им помогнаа на десетици трговски бродови да поминат низ блокираниот Ормуски теснец во последните недели, објави повикувајќи се на американски претставници.
Централната команда на САД (Centcom) придружуваше околу 70 трговски бродови низ овој стратешки воден пат во последните три недели, откри еден од претставниците под услов да остане анонимен. Истите извори наведуваат дека повеќето од овие бродови ги имале транспондерите (електронски уреди за следење) целосно исклучени за да избегнат да бидат лоцирани од иранските сили.
Официјален Вашингтон одби да прецизира точно за каков вид бродови станува збор, како и за патиштата што ги користеле за премин.
Имено, секој брод што поминува во близина на иранскиот брег без експлицитна дозвола од Техеран е под закана од директен напад. Затоа, поморските аналитичари проценуваат дека овие тајни премини под американско водство се движеле по патишта кои се многу поблиску до територијалните води на Оман.
Пред избувнувањето на овој конфликт, значително повеќе од 100 трговски бродови минуваа низ Ормускиот теснец секој ден. Со оглед на тоа што овие акции предводени од САД се одвиваат во целосен мрак и со исклучени системи за следење, аналитичарите истакнуваат дека во моментов е невозможно независно да се потврди точниот број на бродови кои успешно поминале низ теснецот.
