Крај на една ера: Гвардиола нема повеќе да го води Сити, но доби нова важна улога

Шпанецот десет години беше на кормилото на клубот од „Итихад“, донесе 20 титули од кои две во тековнава кампања и тоа во англискиот Лига Куп и ФА Куп. Гвардиола си заминува од Сити како најуспешен тренер во историјата на клубот, но и во иднина ќе биде поврзан со групацијата со одговорна улога.

Имено тој ќе биде глобален амбасадор, улогата ќе му овозможи да дава технички совети на клубовите во групацијата, работејќи на специфични проекти и соработки.

- Не ме прашувајте зошто заминувам. Нема причина, но длабоко во себе знам дека е вистинското време. Ништо не е вечно, ако беше, ќе бев тука засекогаш. Вечно ќе бидат чувството, луѓето, спомените, љубовта што ја имам за мојот Манчестер сити, - истакна Пеп во дел од своето обраќање.

Според информациите негов наследник во Сити треба да биде Енцо Мареска.