Претставувањето на преклоплив „iPhone“ ќе го означи првиот голем момент на Џон Тернус во центарот на вниманието на компанијата „Apple“.
По речиси 15 години на позицијата извршен директор (CEO), Тим Кук минатата недела објави дека се повлекува, а ќе го наследи Џон Тернус, досегашен виш потпретседател за хардверски инженеринг. Од пазарна вредност од четири билиони долари до екосистем од 2,5 милијарди уреди, наследството на Кук во „Apple“ е истовремено значајно и импресивно.
Џон Тернус сега е новиот извршен директор на „Apple“, а според аналитичарот Марк Гурман, неговиот мандат официјално започнува на 1 септември. Гурман наведува дека раководството на „Apple“ намерно го избрало овој тајминг за Тернус да биде заштитно лице на хардверскиот настан на компанијата, на кој се очекува претставување на „iPhone 18 Pro“, „18 Pro Max“ и првиот преклоплив „iPhone“.
Сепак, преклопливиот „iPhone“ не е единственото наследство на Тим Кук што ќе го преземе Тернус. Гурман наведува дека „Apple“ подготвува уште најмалку девет нови категории производи, кои Тернус за време на состанок со вработените ги опишал како „највозбудливи во неговата кариера“.
Листа на производи што ќе го обликуваат мандатот на Тернус:
• Smart Home Hub:
Овој уред е во суштина „HomePod“ со екран кој може да се монтира на ѕид и работи на нов оперативен систем. Поддржува „Siri“ гласовни команди и апликации како „FaceTime“.
• Tabletop Robot:
Столниот робот на „Apple“ има екран од девет инчи прикачен на роботска рака, што им овозможува на корисниците да го движат. Првенствено е дизајниран за задачи како видео-конференции.
• Систем за домашна безбедност:
Овој производ ја позиционира „Apple“ како конкурент на „Ring“ и „Google Nest“ на пазарот за домашна безбедност.
• Паметни очила:
Долго време се шпекулира дека „Apple“ развива паметни очила со камери за собирање податоци од околината кои се внесуваат во AI систем, со што директно би конкурирале на очилата „Ray-Ban“ на „Meta“.
• „AirPods“ со камера:
Слично на паметните очила, „Apple“ планира да додаде камери со ниска резолуција во слушалките „AirPods“, овозможувајќи снимање слики за AI обработка.
• AI привезок („AI Pendant“):
Опишан како „мал кружен уред“, користи камера со компјутерски вид за собирање податоци од околината и нивна интеграција со „iPhone“ AI и „Siri“ функциите. Може да се носи како ѓердан или да се закачи на облека.
• „MacBook“ со екран на допир:
Висока класа „MacBook“ со тач-скрин екран би можел да биде претставен кон крајот на 2026 или почетокот на 2027 година. Уредот ќе биде потенок и ќе користи OLED екран.
• AR очила:
Гурман наведува дека „Apple“ развива лесни AR очила кои прикажуваат дигитални информации преку реалниот свет, што потенцијално би можело да стане наследник на „iPhone“.
• Преклоплив „iPad“:
„Apple“ работи и на „iPad“ на преклопување со екран од 20 инчи. Сепак, компанијата останува претпазлива околу лансирањето, па проектот може и да биде откажан.
Како виш потпретседател за хардверски инженеринг, Џон Тернус директно го надгледуваше развојот на сите овие производи. Сега, како генерален директор, ќе ја има сцената да ја претстави следната голема работа – „One More Thing“ – во производната линија на „Apple“.
