Ако се будите уморни, тешко се концентрирате и се чувствувате забавено – тоа не е минлива состојба, туку сигнал дека телото не функционира оптимално. Често го обвинуваме темпото на живот, но нивото на енергија во голема мера зависи од внатрешните процеси во организмот.

Клучна улога има штитната жлезда, а за да функционира правилно ѝ се потребни одредени нутриенти, меѓу кои најважен е јодот.

Јодот е есенцијален минерал без кој штитната жлезда не може да ги произведува хормоните тироксин (T4) и тријодтиронин (T3). Токму овие хормони го регулираат работењето на мозокот, нервниот систем и вкупното ниво на енергија во организмот.

Истражувањата покажуваат дека речиси 80 проценти од луѓето со ниско ниво на хормони на штитната жлезда – состојба поврзана со недостаток на јод – се чувствуваат уморно, успорено и слабо.

Каде настанува проблемот?

Современата исхрана често обезбедува доволно калории, но не и доволно микронутриенти.

Токму јодот е еден од елементите што многумина го немаат во доволни количини.

Според „WHO“, недостатокот на јод го намалува интелектуалниот капацитет за 10 – 15 проценти, а од гушавост страдаат околу 700 милиони луѓе ширум светот.

Еден од пионерите во третманот на болести на штитната жлезда со јод, д-р Дејвид Браунштајн, автор на книгата „Iodine: Why You Need It, Why You Can’t Live Without It“, истакнува дека сите жлезди во организмот зависат од соодветно ниво на јод за оптимално функционирање.

Недостатокот на јод доведува до дисбаланс на ендокриниот систем, а без доволна количина од овој минерал е невозможно да се одржи хормонална рамнотежа.

Најдобри извори на јод

Најдобри природни извори на јод се морската риба и алгите.

Важно е да се знае дека апсорпцијата на јод може да биде намалена со внес на одредени намирници од групата гоитрогени, како што се:

зелка, карфиол, кељ, прокељ, сенф, соја, ленено семе, кикирики и други.

Заклучокот е јасен: пред да барате сложени решенија за заморот и падот на енергија, вреди да се провери дали проблемот е едноставен – недостаток на јод.