Со првите зраци на пролетното сонце и убавото време, пристигнуваат јагодите, кои се едно од омилените овошја на многу луѓе.

Сепак, јагодите се едно од најтретираните овошја, па затоа се советува многу да внимавате каде и од кого се купуваат, а потоа правилно да ги подготвите и измиете дома пред да почнете да уживате во нивниот вкус.

Поради начинот на кој се одгледуваат и транспортираат, пестициди, прашина, бактерии и други нечистотии често остануваат на нивната површина, па ако не ги миете соодветно (ова не значи само миење со вода), немојте да се изненадите ако реагирате или се разболите.

За правилно миење на јагодите и за отстранување на пестицидите и нечистотиите од јагодите, не ви се потребни скапи средства, туку две состојки што веќе ги имате во вашата кујна.

Многу е важно да знаете дека не треба да ги миете пред да сакате да ги јадете или да ги користите во подготовка на некој деликатес.

Постојат два начина на кои можете да ги измиете јагодите пред употреба.

„Трик“ со оцет

Можете да ги потопите јагодите во раствор од вода и оцет (3:1).

Оставете ги (со сите стебла) да отстојат 5 до 10 минути, потоа внимателно исплакнете ги јагодите под ладна вода за да го отстраните преостанатиот оцет, а потоа ставете ги на хартиена крпа или чиста крпа за да се исушат. Отстранете ги стеблата непосредно пред сервирање.

Јагодите измиени на овој начин ќе бидат безбедни, освежени и подготвени за уживање - сами, во колачи или како додаток на вашите омилени пијалоци.

„Трик“ со сода бикарбона

Друг начин е да користите сода бикарбона и да ги потопите јагодите во раствор од 1 лажичка сода бикарбона и 4 чаши вода.

Добро измешајте го растворот, а потоа додадете ги јагодите.

Оставете ги јагодите да се потопуваат во смесата десет до 15 минути. Измијте ги и изедете ги.