Целиот свет следеше како екипажот на историската мисија „Artemis II“ на „NASA“ патува најдалеку од Земјата во историјата. Четворицата астронаути достигнаа максимална оддалеченост од 252.752 милји, додека нивното вселенско летало „Orion“ кружеше околу Месечината. Во овој значаен момент се „појави“ и една единствена тегла „Nutella“, која можеше да се види како лебди во кабината околу четири минути пред да биде соборен рекордот што претходно го постави мисијата „Apollo 13“ на „NASA“ во 1970 година.
„’Nutella‘ само што постави светски рекорд летајќи толку далеку од Земјата како никој досега“, напиша еден корисник на „X“.
Други истакнаа дека италијанскиот производител „Ferrero“ добил огромна, можеби и бесплатна реклама благодарение на мисијата на „NASA“. „’Nutella‘ штотуку ја доби ултимативната вселенска реклама што ѝ ја обезбеди екипажот на ’Artemis II‘“, напиша друг корисник.
Имаше и такви кои ја обвинија „NASA“ дека го инсценирала краткото појавување на омилениот намаз, нарекувајќи го тоа „пласман на производ“.
Nutella just hit a world record flying as far away from Earth as nobody else did before 👩🏼🚀🌓 pic.twitter.com/046pkMYezH
— Tobi Mülhauser 🍕 (@iamtobi) April 6, 2026
Сепак, „NASA“ ги демантираше тие тврдења, а портпаролката на агенцијата, Бетани Стивенс, изјави за „Futurism“ дека „’NASA‘ не избира оброци или храна за екипажот во соработка со партнерски брендови“.
„Ова не беше пласман на производ“, додаде таа.
Освен намазот од лешници, на менито на астронаутите се наоѓаат и макарони со сирење, говедски гради, гратен од брокула и кајгана, меѓу многу други јадења. Тие понеле и големи количини лут сос, 43 капсули кафе и дури 58 тортиљи, се наведува во извештајот на списанието „Scientific American“.
