Во ерата на незапирлив развој на вештачката интелигенција, главното прашање што ги мачи вработените ширум светот е - кои вештини ќе бидат барани во иднина.
Рајан Рослански, извршен директор на „LinkedIn“, нуди јасен одговор во својата нова книга „Отворени за работа“ - иднината не е во техничкото знаење, туку во особините што е речиси невозможно да се автоматизираат.
Откако разговарал со водечките светски психолози и бизнис лидери, Рослански издвоил пет клучни вештини што ќе ве одржат конкурентни на пазарот на трудот.
Прво и најважно е љубопитноста. Иако вештачката интелигенција може да генерира опции, човекот е тој што ги поставува вистинските прашања и ја носи конечната одлука во која насока вреди да се инвестира енергија. Храброста оди заедно со неа - подготвеноста да се зачекори во непознатото и да се носат одлуки без целосни информации, што е ризик што машина, програмирана на логика и гарантирани резултати, не може да го преземе.
Потоа доаѓаат креативноста (уметноста) и сочувството. Вистинската иновација не е само комбинирање на постојните податоци, туку создавање сосема нови идеи, додека емпатијата е основа на довербата што вештачката интелигенција никогаш нема да може целосно да ја реплицира во човечките односи.
Петтата вештина е комуникацијата. Луѓето се чувствуваат одговорни за подлабокото значење на соработката и поврзувањето, претворајќи ја едноставната размена на информации во значајна работа. Додека вештачката интелигенција предлага што да се напише, човекот е тој што гради доверба и долгорочни деловни односи.
Денес
