Британскиот специјализиран портал „Plumb Nation“ ги анализирал овие дилеми со цел да ги утврди предностите и недостатоците од повременото исклучување на овој голем потрошувач.

Разликата меѓу бојлер и обичен грејач за вода

Овие поими често се мешаат во секојдневниот говор, но постои важна разлика. Обичниот грејач за вода служи исклучиво за загревање вода за хигиена и кујна, додека бојлерот може да биде поврзан и со системот за централно греење на домот.

На пазарот најчести се две варијанти:

- Класични бојлери со резервоар – ја складираат водата, ја загреваат однапред и ја одржуваат топла.

- Проточни бојлери – немаат резервоар, туку ја загреваат водата во моментот кога ќе се пушти чешмата.

Дали гасењето носи вистинска заштеда?

Мислењата на експертите се поделени, но пресметките покажуваат:

Аргументи „за“ исклучување:

- Сметките може да бидат пониски за околу 10% бидејќи нема постојано догревање.
- Се намалуваат топлинските загуби, што е особено важно кај постари модели со лоша изолација.
- Уредот трпи помало оптоварување, што може да му го продолжи работниот век.

Аргументи „против“ исклучување:

- Потребно е време (20–60 минути) за повторно загревање на водата.
- Постарите уреди може лошо да реагираат на често вклучување и исклучување.
- Во средините со тврда вода, честите температурни промени можат да го забрзаат таложењето на каменец.

Заклучокот е дека заштеда постои, но не е значителна и најмногу зависи од ефикасноста на самиот уред. Кај проточните модели, исклучувањето практично нема ефект, бидејќи без нив нема топла вода во моментот на користење.

Безбедност при туширање - митови и факти

Многумина се прашуваат дали е опасно да се тушираат додека бојлерот е вклучен. Според експертите, кај современи и исправни инсталации ризикот од струен удар е минимален. Доколку заземјувањето е правилно изведено, осигурувачот ќе ја прекине струјата пред да дојде до опасност.

Совети за патувања и зимски период

Ако планирате подолго отсуство, има смисла да го исклучите бојлерот, но со претпазливост во зима. Целосното гасење може да доведе до замрзнување на водата во цевките и нивно пукање. Подобро е термостатот да се постави на минимална температура отколку уредот целосно да се исклучи.

Исто така, пред повторно вклучување по празнење, задолжително проверете дали резервоарот е наполнет – пуштете топла вода додека не потече стабилен млаз.

На крајот, безбедноста не зависи од тоа дали бојлерот е постојано исклучен или вклучен, туку од редовното одржување и исправните електрични инсталации во бањата.