Германија повеќе не е ветената земја: бројот на банкроти достигна највисоко ниво од 2014 година, што одразува сериозни економски проблеми.
Бројот на компании во Германија кои побараа постапка за стечај минатата година беше најголем од 2014 година, според официјалните податоци објавени во петокот.
Во текот на годината, судовите регистрирале вкупно 24.064 барања за стечај, што претставува зголемување од 10,3 проценти во споредба со 2024 година, објави Федералниот завод за статистика, пренесува агенцијата „DPA“.
Само во декември, бројот на стечаи се зголемил за речиси 14 проценти.
Германската економија се соочува со тешкотии веќе долго време, а истите започнаа за време на пандемијата на коронавирусот, додека пак дополнително се продлабочија по избувнувањето на војната во Украина.
Минатата година, економијата постигнала минимален раст од 0,2 проценти, по две последователни години рецесија, во 2023 и 2024 година, кога бројот на стечаи беше поголем за 20 проценти.
Иако бројот на банкроти е помал отколку во годините на рецесија, вкупниот број регистриран во 2025 година е сè уште највисок од 2014 година, кога 24.085 компании исчезнаа од пазарот.
Најголемиот број банкроти во историјата е регистриран за време на врвот на глобалната финансиска криза во 2009 година, кога 32.687 компании банкротираа.
Економските проблеми во Германија доведоа и до зголемување на бројот на лични банкроти. Во текот на минатата година, банкротите на потрошувачите се зголемиле за 8,4 проценти и достигнаа 77.219 случаи.
Најголеми загуби претрпеа секторите за транспорт и складирање, како и угостителството и градежништвото.
