Русија славеше злато на Параолимпијадата! Ворончихина го освои супервелеслаломот, а руската химна повторно одекнува по 2014 година. Контроверзии и бојкот поради враќањето на блокираните земји.
Русија во понеделникот го освои својот прв златен медал по контроверзното враќање на Параолимписките игри, откако скијачката Варвара Ворончихина победи во женската трка во супервелеслалом во Кортина. Победата на Ворончихина значи дека руската химна се слуша на зимските олимписки борилишта за првпат по 2014 година.
Награждение Варвары Ворончихиной за золото в супергиганте, флаг и гимн России впервые с 2014-го года.
— русский императив (@Zhitnipalzhi) March 9, 2026
Гойда! pic.twitter.com/wSCa1UH9Cm
Русија и Белорусија, на кои им беше забрането учество на параолимписките натпреварувања по инвазијата на Москва врз Украина во 2022 година, повторно беа примени од страна на Меѓународниот параолимписки комитет во септември, по гласањето на Генералното собрание на ова тело. Одлуката предизвика огорченост во Украина, а бројни земји во знак на протест ја бојкотираа парадата на спортистите на свеченото отворање во Верона во петокот. Рускиот министер за спорт Михаил Дегтјарев ѝ честиташе на Ворончихина.
„Браво! Свири руската химна“, напиша тој на „Telegram“ во порака придружена со емотикони од рускиот грб и знамето.
Ворончихина (23) во саботата освои и бронзен медал во женскиот спуст, додека нејзиниот сонародник Алексеј Бугаев заврши трет во машката трка.
