Имено, таа го донирала својот инаугуративен фустан од 2025 година на Националниот музеј на американската историја „Смитсонијан“ и со тоа станала првата сопруга на американски претседател по повеќе од 100 години која во оваа престижна колекција има дури две фустани.

Меланија прокоментирала дека тоа е неверојатно, а со овој чин нејзиниот фустан му се придружил на нејзиниот прв инаугуративен фустан од 2017 година.

Последната жена на која ѝ успеало тоа била Ида Мекинли кон крајот на 19 век.

Колекцијата на првите дами, основана во 1912 година, денес брои речиси 1.000 предмети, а ја сочинуваат и креации што ги носеле Мери Линколн, Џеки Кенеди и Мишел Обама.

Фустанот од инаугурацијата во 2025 година

Фустанот што Меланија Трамп неодамна го донирала го креирал нејзиниот долгогодишен соработник Херв Пјер.

Станува збор за креација без прерамки која на прв поглед делува воздржано и елегантно. Црни свилени ленти ја следат линијата на телото и кулминираат со графички детаљ на градите.

„Ова се повеќе од 50 години образование, искуство и мудрост, вткаени во секоја нишка, секој шев и секој остар раб“, изјавила Меланија.

„Внимателно обликуваната црна буква Z на предната страна повикува на децении од моите рани спомени, животни искуства и влијанија. Сите тие приказни се длабоко скриени во нејзините остри, силни шевови – засекогаш“, накратко го прокоментирала впечатливиот црн детаљ на горниот дел од фустанот.

Парче што не е карактеристично за првите дами

Интересно е што за оваа пригода Меланија избрала модна комбинација што не е баш карактеристична за првите дами.

Имено, таа се појавила во темен капут со двојно закопчување од Ботега Венета, а под него носела црна ролка.

Долниот дел го сочинувале тесни кожени панталони, а изгледот го заокружила со високи чизми од Кристијан Лобутин.