Корисничката на ТикТок која се претставува како „zeina_honest.beauty“ во снимката остро ја критикувала таа практика, тврдејќи дека поради тоа „секој во Србија мириса на цигари“.

Во снимката раскажала дека целата нејзина облека го впила мирисот на чад и изразила неверување што таквите правила сè уште се на сила.

„Моментално сум во Србија. Тука буквално насекаде е дозволено да се пуши – во секој ресторан, во секое кафуле. Поради тоа сите џемпери, целата облека и косата ми мирисаат на цигари. Грозно е! Секој човек овде мириса на цигари затоа што пушењето е дозволено дури и во кафулињата. Како е тоа воопшто можно? Едвај чекам да се вратам во Лондон, назад во цивилизацијата“, раскажала таа.

„Доаѓаат луѓе од никаде и почнуваат да глумат господа“

Снимката брзо се проширила и на други платформи, вклучувајќи го и Икс, каде што предизвика жестоки расправи. Додека некои се согласиле со нејзиниот став, други остро ја критикувале, понекогаш и на лична основа, алудирајќи на нејзиното потекло.

„Дали системот со пушачки и непушачки зони тука е идеален? Не е. Но дали мораш поради тоа да снимаш видеа во кои зборуваш сè најлошо за мојата земја и народ? Сигурна сум дека и мене многу нешта би ми недостасувале во некое село на границата меѓу Азербејџан и Грузија“, напишала една корисничка.

Друг коментар гласи: „Сè ќе беше во ред да не ја спомнеше цивилизацијата. Доаѓаат луѓе од никаде, дома немаат ни бања, ќе заминат во светот, се занимаваат со секакви работи … И потоа почнуваат да глумат господа.“

„Супер, нека си оди во Лондон“

Некои корисници се обиделе расправата да ја насочат во поконструктивен правец.

„Реално, законот треба само да пропише на вратите јасно да биде означено дали локалот е пушачки или непушачки. Па непушачите нека одат во непушачки локали и сите задоволни. Вистина е дека мнозинството локали ќе дозволат пушење за да не изгубат гости, но има и многу непушачи, па ќе се отвораат и локали без чад кои ќе работат успешно“.

Има и такви што ѝ возвратиле со критики на сметка на градот од кој доаѓа: „Супер, нека си оди во Лондон, особено кога во 40 отсто од градот по 23 часот едвај можеш да поминеш без некој да те ограби или нападне. За зависниците и бездомниците по улиците да не зборуваме“.