Со оглед на тоа низ каква ренесанса поминаа рамните чевли во текот на изминатите години, особено балетанките, се очекуваше дека и тие ќе ја добијат својата спортска варијанта.

Моделите на балетанки-патики што привлекоа внимание во последниве години се базираат на остар контраст, но постои силна и неочекувана синергија помеѓу спојувањето на ергономските, технички карактеристики што ги имаат патиките и ременчињата, заоблените врвови и грациозноста што ги гледаме на балетанките.

Мешавината од балетанки и патики полека, но сигурно станува тренд

Прво, кога станува збор за светските ѕвезди, балетанките-патики, кои британскиот Вог мината година ги нарече „sneakerina“, ги забележавме кај холивудската актерка Клои Севињи, која секогаш добро ги предвидува трендовите, а се појавија и на модните писти.

Големо внимание привлече моделот „Сара“ на брендот „Сесилија Бансен“ од колекцијата 2022, додека овој хибрид беше инспирација и за Симон Роча, а деновиве многу се зборува и за првата колекција што Ким Кардашијан, односно нејзиниот „СКИМС“ ги направи со Најк.

Во секој случај, додека до минатата година се сметаа само за моден експеримент, оваа година балетанките-патики стануваат нешто што се носи со секојдневните модни комбинации.

Балетанките се достапни во различни верзии и се лесни за комбинирање

Најчесто, станува збор за патики со гумиран ѓон, честопати нешто помасивен, со аеродинамичен горен дел, а често имаат и ремени во стилот на „џејн“ чевли, еластични врвки, заоблен врв, елегантни детали…

Трендсетерките веќе ги комбинираат со подолги, бели чорапи со миди и мини-здолништа и фустани, а одлично изгледаат и со широки панталони и фармерки и долги капути.

Коментарите на вљубеничките во модата беа поделени откако стана јасно дека се родил нов тренд, а она што е сигурно е дека овие модели се ефективни и не се забораваат лесно.