Иако на почетокот размислувала за манекенство, музиката на крајот целосно ја освои и ја лансираше во глобална ѕвезда по објавувањето на нејзиниот прв албум во средината на 1980-тите.

Имаше 48 години кога почина од дрога, давејќи се во када. Жената со ангелски глас со години се бореше со зависност, а уште од мали нозе било јасно дека поседува редок талент. Испиша историја со своите безвременски хитови, а во осумдесеттите и деведесеттите години беше пејачка со најмногу награди, дури 400. Меѓу другото, освои шест награди „Греми“, две „Еми“ и 30 награди „Билборд“.

Сепак, личниот живот на Витни бил исполнет со предизвици. На почетокот на кариерата имала силна поддршка од мајка ѝ, но емоционалните рани од детството, како разводот на родителите, оставиле длабока трага.

„Останав со мајка ми, а татко ми го гледав повремено, и тоа навистина ме мачеше бидејќи ми недостигаше неговата поддршка кога бев на почетокот на кариерата“, изјави Витни, која своите први поголеми јавни настапи ги имала на 14 години, пеејќи по клубови со мајка ѝ Сиси.

Боби Браун и канџите на дрогата

Го запознала Боби Браун кон крајот на 1980-тите и подоцна се омажи за него, а парот доби ќерка, Боби Кристина. Иако Браун имал проблеми со законот и често бил во центарот на негативни медиумски приказни, Витни на почетокот го бранела.

Со текот на времето работите почнале да се менуваат, Витни станувала сѐ понепредвидлива, доцнела на состаноци и почнала да губи на тежина, а јавноста почнала да ги поврзува овие промени со употребата на дрога. Парот неколкупати имаше конфликт пред камерите, што дополнително го наруши нивниот јавен имиџ.

Во 2001 година потпиша договор за снимање вреден стотици милиони долари со издавачка куќа, но личните проблеми и зависноста продолжиле да влијаат на нејзиниот живот и здравје. По разводот во 2006 година, Витни доживеа нервен слом и се обиде да се врати на сцената, но нејзините емоционални и здравствени проблеми останаа.

Трагична смрт

Голема повратничка турнеја беше најавена за 2012 година, но за жал никогаш не се случи. На 11 февруари 2012 година, Витни беше пронајдена мртва во хотелска када, каде што се удавила по консумирање алкохол и лекови.

„Можам да потврдам дека Витни Хјустон беше прогласена за мртва во 15:55 часот во хотелот Беверли Хилтон. Повик примивме во 15:43 од хотелското обезбедување, а полицијата реагираше неколку минути подоцна. Некој од нејзината придружба ја пронашол без свест во нејзината соба... Не е јасно кој го известил хотелскиот персонал, бидејќи таа имаше прилично голема придружба тука во хотелот. Се обидовме да ја реанимираме, но безуспешно“, соопшти тогаш полицијата.

Деталите од обдукцијата на поп-ѕвездата се појавија во 2020 година, откривајќи шокантни детали за состојбата на Витни. Во моментот на нејзината смрт, во нејзината крв биле пронајдени девет различни видови дрога, што го шокирало семејството. Пејачката имала срцеви проблеми, проширена артерија и искривен нос поради употреба на кокаин. Траги од убоди со игла биле пронајдени на внатрешната страна од нејзиниот лев лакт, како и лузни под градите од импланти.

Она што најмногу ги изненадило лекарите кои ја извршиле обдукцијата била состојбата на нејзините заби. Наводно ѝ недостигале 11 предни заби, кои ги прикривала со протези.

Тина Браун, сестрата на Боби Браун, открила дека на пејачката ѝ испаднале забите поради прекумерна употреба на кокаин. Три години по смртта на нејзината мајка, нејзината ќерка Боби Кристина исто така беше пронајдена безживотна во када. Лекарите ја реанимирале и ја ставиле во индуцирана кома, но таа почина шест месеци подоцна. Имаше само 22 години.