Во новиот документарец за бендот, којшто премиерно бил прикажан во вторникот на 27 јануари на „Netflix“, Вилијамс, денес 51-годишен маж, отворено говорел за своите тогашни проблеми со менталното здравје и зависноста од алкохол.

Сведочење на поранешните членови од бендот

Гери Барлоу, фронтменот на „Thake That“, признал дека се чувствувал „засрамено“ што ги пропуштил знаците на проблемите на Роби:

„Никој не гледаше лево-десно да види како им е на сите. Само одевме напред“, изјавил Барлоу.

Ховард Доналд се присетува на Роби од сцената:

„Секако е горе-долу, очите му беа отечени, енергијата беше луда. Изгледаше како да е на нешто“.

Поранешниот член на бендот Џејсон Оринџ додал дека Вилијамс станал „сѐ побунтовен и поагресивен“ и дека губел интерес за работата во бендот.

Борбата со алкохолот и депресијата

Роби отворено признал низ што поминал:

„Бев толку депресивен. Се враќав во хотел и испив шише со вотка до крај. Само пиев до заборав“.

„Бев физички и ментално отсутен“, додал.

„Имав 19, 20 години и бев среде ужасен алкохолизам. Не можев да го започнам денот без веројатно уште едно шише вотка“.

Репертоарот и пробите често биле невозможни за него:

„Влегував на пробите пијан и не бев способен за нив. Телото ми беше преполно со отрови, главата ме болеше и не можев да ги впијам информациите во најдобар случај“.

Раскинување со бендот и враќање

Сето тоа довело до точка кога Вилијамс одлучил да го напушти бендот во 1996 година:

„Нешто пукна во мојата глава“, се присетил Роби.

Неговата јавна борба со зависноста и менталните проблеми била извор на тензии која резултирала со негово првобитно заминувањето од „Take That“.

Роби во 2010 година се смирил со бендот и се вратил, но во 2011 година ја напуштил групата за да се посвети на соло кариерата.