Листата на петмината најбогати возачи во историјата на Формула 1 јасно покажува колку успехот на патеката и силниот имиџ надвор од неа се клучни за финансискиот просперитет.
Првото место го зазема легендарниот Михаел Шумахер (790 милиони долари), чие богатство се проценува на неколку стотици милиони евра, пред сè благодарение на славната ера во „Ferrari“.
Седумкратниот светски шампион оствари огромни приходи преку договори, спонзорства и долгогодишна доминација во најбрзиот циркус.
На втората позиција се наоѓа Луис Хамилтон (304 милиони долари), кој покрај спортските успеси изгради и силен бренд преку модни, музички и маркетиншки проекти.
Хамилтон е еден од ретките возачи кој својата популарност ја претвори во глобален деловен успех.
Третото место му припаѓа на Фернандо Алонсо (264 милиони долари), чија долговечност и постојаните враќања во врвот на Формула 1 значително влијаат врз неговата нето-вредност.
Шпанецот во текот на кариерата возеше за најсилните тимови и оствари бројни профитабилни договори.
Четврти на листата е Кими Раиконен (254 милиони долари), познат по долгата кариера и статусот на еден од најавтентичните ликови во историјата на овој спорт.
Петтата позиција ја држи легендарниот Ники Лауда (203 милиони долари), кој значаен дел од богатството го стекна и преку успешни деловни потфати по завршувањето на возачката кариера.
Оваа листа потврдува дека Формула 1, покрај спортскиот престиж, нуди и исклучителни финансиски можности за оние кои ќе остават длабока трага.
