Филмските критичари на „The Hollywood Reporter“ – Дејвид Руни, Џон Фрош и Шери Линден – ги составија своите листи на најдобрите филмови на годината, а на врвот се најде бразилскиот политички трилер „The Secret Agent“ на режисерот Клебер Мендонса Фиљо.

Топ 10 најдобри филмови во 2025 година според Дејвид Руни

1. „The Secret Agent“

Сместено во 1977 година, за време на врвот на бразилската воена диктатура, ова ремек-дело на режисерот Клебер Мендонса Фиљо го носи Вагнер Моура во улогата на техничкиот експерт Армандо, кој се враќа во својот роден град Ресифе по вознемирувачки судир со корумпиран федерален функционер. Пополнет со апсурден хумор, размислувања за историјата и меморијата, како и со длабока љубов кон филмот, овој политички трилер е, како што го опишува Руни, „sui generis ремек-дело“.

2. „One Battle After Another“

Пол Томас Андерсон го создаде својот најдинамичен филм по „Boogie Nights“ преку слободна адаптација на постмодерниот роман „Vineland“ од Томас Пинчон. Леонардо ДиКаприо ја предводи актерската екипа во ова епско дело кое го спротивставува револуционерниот радикализам од минатите децении со прикриениот подземен отпор што би можел да биде „лековит за нашата сегашна политичка болест“.

3. „Sirat“

Оливер Лаксе, визионерскиот шпански режисер, создаде „road movie каков што досега не е виден“ – споредуван со „Mad Max“, „The Wages of Fear“ и „Zabriskie Point“, а истовремено целосно уникатен. Серџи Лопез игра татко кој патува од Шпанија со својот син во планините на јужен Мароко во потрага по исчезнатата ќерка. Патувањето е истовремено трагично и трансцендентно.

4. „Peter Hujar’s Day“

Ира Сакс создаде „хипнотички експеримент“ конструиран од неодамна откриени снимки од разговори од 1974 година меѓу фотографот Питер Хуџар и неговата пријателка, писателката Линда Розенкранц. Бен Вишо го игра Хуџар „со магична елеганција и суптилност“, додека Ребека Хол внесува топлина на интимното пријателство. Филмот е истовремено портрет на квир-уметник и њујоршката уметничка сцена од седумдесеттите години.

5. „Marty Supreme“

Џош Сафди во својот прв соло-филм по 17 години носи „енергија што експлодира од секој кадар“. Тимоти Шаламе во виртуозна улога го игра дрскиот протагонист кој својата вештина во пинг-понг и безграничната дрскост се обидува да ги претвори во излез од секојдневието на продавач на чевли на „Lower East Side“ во раните педесетти години. „Кинетичка експлозија од почеток до крај“.

6. „Sentimental Value“

Норвешкиот режисер Јоаким Трир проникливо и елегантно ги истражува напнатите семејни динамики. Стелан Скарсгард го игра Густав, егоцентричен, некогаш славен режисер кој се обидува да се врати, надевајќи се дека ќе ја убеди својата отуѓена ќерка, актерката Нора (Ренате Рајнсве), да глуми во неговиот филм. Инга Ибсдотер Лилеос ја игра Агнес, приземната академичарка и сестра на Нора, додека Ел Фенинг глуми млада холивудска ѕвезда.

7. „Sinners“

Рајан Куглер го создаде својот прв целосно авторски филм – „сензационален хорор што меша жанрови“ и ја користи духовната и натприродната моќ на блузот за размислување за расата, слободата, историјата и темнината. Мајкл Б. Џордан игра идентични близнаци кои во 1932 година се враќаат од Првата светска војна и подземјето на Чикаго во својот роден град во делтата на Мисисипи за да отворат „juke joint“. За жал, музиката не привлекува само работници, туку и „грабливи бели вампири“.

8. „Train Dreams“

Клинт Бентли ја адаптираше елегичната новела на Денис Џонсон од 2002 година во „поетска хроника на еден живот“. Џоел Егертон игра надничар кого работата го оддалечува од семејството на северозападот на Пацификот на почетокот на 20 век. „Интимен еп чија атмосфера и продорна тага остануваат долго по одјавната шпица“.

9. „The Mastermind“

Кели Рајхардт го реинвентираше жанрот на уметнички „heist“ филм во дело сместено во раните седумдесетти, збогатено со естетиката на филмовите од таа деценија. Џош О’Конор глуми столар кој западнал во неволја, а ансамблот ги вклучува Алана Хаим, Бил Кемп, Хоуп Дејвис, Џон Магаро и Габи Хофман.

10. „Frankenstein“

Гиљермо дел Торо се соочува со класиката на Мери Шели од 1818 година во „опоен готски чин на реанимација“. Оскар Ајзак во улогата на егоцентричниот научник е „како денди рок-ѕвезда“, Миа Гот е „маѓепсувачка“ како слободоумна жена, додека Џејкоб Елордѝ во „откривачка изведба“ ја презема улогата на „Суштеството".

Почесни признанија

Руни ги издвојува и филмовите „Afternoons of Solitude“, „Father Mother Sister Brother“, „La Grazia“, „Highest 2 Lowest“, „It Was Just an Accident“, „One of Them Days“, „Pillion“, „Sorry, Baby“, „The Testament of Ann Lee“ и „Twinless“.

Шери Линден – Топ 10

Шери Линден нуди поинаква перспектива, ставајќи го на прво место силниот документарно-игран филм за трагедијата во Газа – „The Voice of Hind Rajab“. Режисерката Каутер Бен Ханија создаде потресна докудрама за случај што одекна низ светот. Филмот ја следи трагичната приказна за шестгодишната палестинска девојче Хинд Раџаб, чиј глас засекогаш остана забележан во повик за помош, преку мешавина од вистинска аудиоснимка од нејзиниот глас и драматизирана изведба, прикажана од перспектива на волонтерите на итната служба кои го примиле повикот. Снимен со цел да се подигне свеста за геноцидот над Палестинците и да придонесе кон глобален повик за акција, филмот во Венеција беше награден со низа признанија, меѓу кои и Големата награда на жирито.

Листата на Линден:

„The Voice of Hind Rajab“

„The Secret Agent“

„Presence“

„One Battle After Another“

„The Testament of Ann Lee“

„Marty Supreme“

„Sentimental Value“

„Souleymane’s Story“

„The President’s Cake“

„Blue Moon“

Почесни признанија: „Blue Sun Palace“, „Eephus“, „Frankenstein“, „Good Boy“ (режисер Бен Леонберг), „Holy Cow“, „The History of Sound“ (Пол Мескал, Џош О’Конор), „If I Had Legs I’d Kick You“ (Роуз Бирн), „Nouvelle Vague“, „Put Your Soul on Your Hand and Walk“ (документарец за Газа) и „Superman“ (Дејвид Коренсвет, Рејчел Броснахан, Џејмс Ган).

Џон Фрош – Топ 10

Џон Фрош се согласува со Руни околу првите четири позиции на листата, што зборува за силата на тие филмови, но петтото место го резервира за хоророт што ја одбележа годината – „Weapons“.

Листата на Фрош:

„The Secret Agent“

„One Battle After Another“

„Marty Supreme“

„Peter Hujar’s Day“

„Weapons“

„Sound of Falling“

„The Perfect Neighbor“

„It Was Just an Accident“

„Sinners“

„Twinless“

Почесни признанија: „Bugonia“ (Ема Стоун, Џеси Племонс, Јоргос Лантимос), „Ghost Trail“, „Love“ (од трилогијата на Даг Јохан Хаугеруд), „Materialists“ (Дакота Џонсон, Крис Еванс, Педро Паскал), „No Other Choice“ (Парк Чан-вук, Ли Бјунг-хун), „Pillion“, „Presence“ (Стивен Содерберг, Луси Лиу), „Sirat“, „Sorry, Baby“ и „Urchin“.