[ФОТО] Дизајнер ги претворил Најк патиките во функционална СНЕС конзола

„Идејата се појави откако ја видов соработката меѓу брендови и видеоигри. Често размислував дека би било супер кога овие патики кои личат на видеоигра всушност би служеле како конзола“, рекол Бонзанини.

Патиката која служи како конзола, креирана е со помош на компјутерот „Raspberry Pi Zero W“. Овој компјутер го користи емулаторот „RetroPie“, а Бонзанини го приспособил за да се вклопи во „јазикот“ на патиката. Патиката има батерија доволна за играње до 30 минути, како и интегриран HDMI приклучок.

За оние кои се носталгични за старите конектори на екрани, патиката исто така има и мал аналоген конвертор за RCA конектори. Што се однесува до контролерот, патиката е компатибилна со оригиналниот SNES гејмпад, но исто така е можно да се користи „8BitDo Mod Kit“, кој се поврзува безжично со „Raspberry Pi“ преку Bluetooth.

„Овој уметнички проект беше мој начин да ги прославам и двете нешта и да ја промовирам идејата за тоа што можат да станат кога ќе се спојат културата на патики и технологијата“, изјавил Бонзанини.

За жал, „AIR SNES“ е само уникатна креација со која се прославуваат 35 години од лансирањето на една од најдобрите конзоли некогаш направени.