Но, во убавите улички на Фиренца, тоа наскоро ќе стане минато. Градот има намера во 50 популарни и раздвижени улички да го забрани угостителството на отворено.

Од 2026 година во тие 50 улици во Фиренца ќе биде забранет секој вид угостителска понуда на отворено.

Како што пренесува италијанската агенција „Анса“, договорот за „користење јавни површини за послужување на отворено во урбаните подрачја или средини од уметничко, историско, археолошко и пејзажно значење веќе е потпишан – се чека само на одобрување од градскиот совет.

Одлуката е забрана на тераси во 50 улици кои се наоѓаат во зоната на УНЕСКО во градот, а се воведуваат строги правила во уште 73 улици.

Особено во близина на најпознатите знаменитости од 2026 година повеќе нема да биде дозволена угостителска понуда на отворено.

Причина за забрана

Членот на градскиот совет Јакопо Винчини објаснил: „Со тоа сакаме да го заштитиме јавниот простор и наследството на градот. Најавените мерки ќе го направат градот попријатен за живеење“.

Жителите се жалеле

Според весникот „Ла Национе“, здруженијата на станари се жалеле дека прошетката низ градот станала како полигон со пречки, на тротоарите одвај има место поради масите и чадорите наменети за туристите.

И во други улици правилата ќе бидат построги

Покрај 50-те улици во кои терасите ќе бидат целосно забранети, во уште 73 дополнителни улици угостителите ќе мора да ги почитуваат следните правила, во зависност од категоријата:

А: Само столици и маси и мали чадори.

Б: Платформа со ограда од три страни и чадори.

Б1: Можно поставување бочни ѕидови до 1,80 метри висина во текот на зимата.

Ц: Платформа, ограда од три страни и цврста настрешница.

Д: Затворена конструкција со покривање од сите страни и цврста или поместувачка настрешница.