Но, работите тргнаа во погрешна насока. По објавувањето, еден самопрогласен „лајф коуч“ одлучи да го омаловажи нејзиниот успех со сексистички коментар. „Погледнете ја дипломата кај таа девојка. Тоа никогаш не го кажал ниту еден маж“, напишал Ричард Купер, човек кој на интернет се претставува како „тренер за момци“ кој „ги учи мажите како да избегнат „ред флагови“ кај жените“.

Интернетот застана во нејзина одбрана

Но, тој не очекувал дека интернетот навистина ќе застане во нејзина одбрана. Одговорите на неговиот коментар го преплавија „X“, а реченицата „Погледни ја дипломата кај таа девојка“ доби сосема поинакво значење.

„Доста е забавно како те тригерираше тоа што девојката навистина нешто постигна“, „За вистинските мажи, интелигенцијата е секси“, „Дали некогаш си ја земал предвид можноста дека жените не одат на факултет за да ги задоволат или привлечат мажите?“, „Единствената 'жена' со која си бил некогаш е твојата рака“, „Бактерија која јаде мозок би умрела од глад во твојата глава“, „Јас одам на докторски и размислувам за тоа што мисли некој приглуп маж – никоја жена никогаш“, се само некои од коментарите што ја преплавија неговата објава.

И веднаш по тоа, „X“ беше преплавен со фотографии на девојки со дипломи, проследени со реченици: „Па, само погледнете ја дипломата кај таа девојка!“

И така, шовинистот Ричард создаде генијален феминистички вирaлен тренд.