Лорен за разговорот се облекла професионално: носела предимензиониран сив мантил, класични панталони, волнен џемпер со ролка и чизми со висока потпетица. Изгледот го надополнила со црна чанта, златно ланче и неколку прстени. Но, ѝ било кажано дека тоа „не е доволно добро“.

„Премногу лежерно и недоволно дотерано“

Своето искуство го споделила на социјалните мрежи. „Ова го носев на разговорот за работа, а тие рекоа дека засега е во ред, но дека би било несоодветно да го носам во канцеларија ако ме вработат“, напишала Лорен покрај видеото на кое ја прикажува својата облека.

Објаснувањето што го добила било дека нејзиниот стил е „премногу лежерен, недоволно дотеран и со премногу накит“ за канцелариска работа.

„Луѓе, дали сум јас луда?“, ги прашала своите следбеници.

Нејзиното видео брзо стана вирално со повеќе од 5,3 милиони прегледи на ТикТок, а Лорен била преплавена со коментари. Додека некои се обидувале да најдат замерка во нејзиниот изглед, повеќето се согласиле дека нема ништо спорно.

„Барај понатаму, девојко“

„Ако не плаќаат плата што бара формално деловно облекување, барај понатаму, девојко“, напишал еден корисник. Друг додал: „Ова е најсоодветна облека. Што сакале да носиш?“.

„Се надевам дека те плаќаат доволно за да можеш да си купиш деловно формална облека“, додала трета личност, додека четврта напишала: „Навистина сум збунета – што тука е погрешно?“.

Еден од коментарите гласел: „Да не даде Бог вработениот да има какво било чувство за стил“.

Друг заклучил: „Ова дури не е ни лежерно. Ова е дотерано. Кој денес бара формално деловно облекување?“.