Тие немаат врска со љубовните врски туку со она што секоја жена треба да го знае за себе, својот мир и начин на којшто бира да живее.

Овие животни лекции не се за тоа како да бидеш сакана туку како да останеш своја.

1. Твојот ум е твој најпривлечен адут

Физичкиот изглед ги привлекува луѓето, но менталната стабилност, знаење и внатрешен мир се она што тебе те прават постојана и што луѓето околу тебе ќе ги освои долгорочно.

Учи, читај, биди љубопитна. Научи да ги регистрираш сопствените импулсивни мисли, да не веруваш на секоја од нив и да ги менуваш кога ќе станат токсични. Светот се менува, но мирната глава и отворениот ум се секогаш тука.

2. „Не“ не е грозен збор

Границите се облик на самопочит. Не мораш да им се допаднеш на сите, ниту да објаснуваш зошто не сакаш нешто. Доколку некому твоето „не“ му пречи, тоа говори за нив, а не за тебе. Најголемиот товар којшто некогаш ќе го тргнеш од себе е оној којшто го носиш обидувајќи се да им угодиш на сите.

3. Најди ја својата дефиниција за забава

Забавата за млада жена не мора да биде само во клуб и алкохол. Може да се најде уживање во тишина, добра книга, шетање, танцување, цртање, готвење. Научи да уживаш во работите кои ја хранат твојата душа, а не егото на другите луѓе.

4. Бирај внимателно што гледаш, читаш, впиваш

Она со што го полниш својот ден го храни твојот ум. Доколку постојано консумираш драма, твојот живот станува драма. Доколку си опкружена со мудрост, уметност, мир и хумор, тоа станува твој внатрешен пејзаж. Нахрани ги своите мисли со она што сакаш да станеш.

5. Златни години на учење се 15-30

Од 15 до 30 години учиш најмногу за себе, низ грешките, загубите, љубовите и разочарувањата. Немој да брзаш да станеш „средена“, „успешна“ или „идеална“. Тоа е време кога треба да паднеш, да бараш и да научиш да стоиш сама. Тоа е процес, не трка.

6. Исцели се себеси пред да станеш мајка

Твоите деца не треба да бидат товар на твоите рани. Затоа запознај ги своите стравови, разреши го своето детство и научи да сакаш без проекции. Мајчинството не е крај на твојот раст, туку продолжение и најдобар дар којшто можеш да му го дадеш на детето, а тоа е емотивната зрелост.

На крај, секоја ќерка порано или подоцна станува жена која самата ја бира – како ќе мисли, дише, реагира, сака.