Прочуениот Владета Јеротиќ објаснил кој треба да биде глава на домот, мажот или жената: Од ова зависи среќата на секое семејство

Семејството е основа на секое општество и на него мораат подеднакво да работат двете страни. Старата изрека вели дека жената е столбот на куќата, но дали тоа значи и дека е апсолутен владетел на домаќинството, односно главата на истото? Или е обратно? Полемики се водат веројатно откако постои светот, но често се заборава фактот дека малку значи кој е главен доколку во кругот не постојат склад, хармонија, меѓусебна поддршка и стремеж кон заеднички раст. И големиот Владета Јеротиќ своевремено се осврнал на таа вечна тема.

„Љубовта е таа која треба да биде глава на секое семејство. Таа е главна, и како таква бара рамноправност,“ појаснил прочуениот психотерапевт, невропсихијатар, филозоф, книжевник и професор. И се согласуваме со него — апсолутно. Во крајна линија, во денешно време, прашањето кој е главата на куќата најчесто е непотребно.

А вистинската љубов? Дали постои и што, всушност, се крие во тие две зборови? Тоа е приказна без крај. Но, мудриот Владета Јеротиќ имал објаснување што совршено се надоврзува на неговиот одговор на првото прашање.

„Да се сака друг човек значи и да се разбере, а секако и да му се прости. Не е, секако, лесно да се сака човек онаков каков што е, но само ако бидеме во состојба не само да го прифатиме, туку и да го засакаме токму таков каков што е, ќе го поттикнеме да стане онаков каков што може да биде. Затоа, ако навистина некого го сакате, обидете се да го промените со својата љубов, а не со ултиматуми.“