Џанлуиџи Донарума од оваа сезона има нов тим и тоа е Манчестер Сити, меѓутоа тој и покрај сите предизвици кои ќе го има со „граѓаните“ ќе пронајде начин и време да ги испрати возбудувањата во Серија А.
Првите шест кола во Калчото навестија супер интересна кампања, само пет бода ги делат екипите од првата до седмата позиција на табелата што доволно говори колку е мала разликата во овој момент.
Донарума очекува драма и за него пет клуба ќе бидат во трката за Скудетото.
- Има четири или пет тима кои ќе имаат збор. И како што реков претходно, ова е она што носи нова димензија во Серија А. Ми се допаѓа Милан. Љубопитен сум за сè што стои зад нивниот пресврт. Мислам дека станува збор за Алегри, но не само за него. Милан има големи амбиции. Разговарав со луѓе кои го познаваат клубот многу добро, тие веруваат и ќе се обидат да триумфираат.
- Интер, тие имаат сила и докажан тим кој се храни од знаење. Конте останува во Наполи со нивната енергија и вештина. Новата Рома на Гасперини и неговите можности за напредок, како и Јувентус, мора да се земат предвид. Ќе има доста забава, - порача новата „единица“ на Сити.
