Во кината оваа недела пристигнува неверојатната вистинита приказна, комедијата „Крадецот од покривот“ (Roofman). Главните улоги ги толкуваат Ченинг Тејтум како Џефри „Руфман“ Манчестер, Кирстен Данст како Ли Ваинскот, Бен Менделсон како пасторот Рон и Питер Динклејџ како Мич, шеф на продавницата „Toys „R“ Us“, каде главниот лик живее без никој да го познае неколку месеци по бегството од затвор.

„Исклучително симпатичен и забавен приказ на извонреден живот.“

„Исклучително симпатичен и забавен приказ на еден необичен живот“, пишуваат критичарите на „Rotten Tomatoes“, додавајќи дека филмот е вистинска американска крими-љубовна приказна и со извонредна актерска изведба на Тејтум.

„Ченинг Татум одигра една од најдобрите улоги годинава. „Крадецот од покривот“ е еден од најискрените, најдосетливите, најзабавните и на крајот најтажните филмови што ќе ги гледате годинава“, стои со оценка A, со што се согласуваат и други критичари.

Некои од критичарите одат дури и чекор понатаму, осврнувајќи се на целата кариера на Тејтум:

„Ова му дава на Ченинг Тејтум можност да покаже сериозна драмска сила и да понуди една од најдобрите изведби во својата кариера … помагајќи да се додаде нова димензија на изненадувачки одличниот филм.“

Тие додаваат дека станува збор за „исклучително емпатичен и забавен приказ на еден необичен живот“.

Критичарите исто така забележале дека филмот вешто балансира помеѓу напнатоста и забавата:

„Со хумористични сцени во ситуации со висок ризик, филмот неверојатно ги комбинира комедијата и опасноста на многу привлечен начин.“

Особено е нагласено дека „Крадецот од покривот“ се разликува од вообичаените филмови базирани на вистински криминални приказни, бидејќи избегнува вообичаени клишеа.

„'Крадецот од покривот' не морализира. На некои тоа можеби ќе им пречи, но токму тоа го прави филмот необично добредојден и забавен, што избегнува вообичаени клишеа на овој жанр.“

Други критичари го нагласуваат влијанието на главниот лик:

„'Крадецот од покривот' ги привлекува гледачите со убедлив приказ на човек кој е премногу паметен за свое добро. Забавен е и допадлив, без разлика колку е блиску или далеку од вистинските настани.“

Не е заборавен ниту режисерот Дерек Кјанфренс, познат по мрачните мелодрами:

„Еден од големите современи мелодраматичари, Дерек Кјанфренс, човек роден за да снима најдепресивни филмови на годината, го смени правецот и понуди нешто изненадувачки топло и привлечено за публиката со „Крадецот од покривот“.

Ако некој мора да ве ограби, нека биде Џефри

Базиран на вистинита приказна, овој биографско-криминален филм го следи Џефри Манчестер (Ченинг Тејтум), војник ветеран кој по враќањето од војската почнува да краде од ресторани Мекдоналдс низ покривите, поради што добива прекар „Крадецот од покривот“.

Откако е фатен и осуден на 45 години затвор, успева да избега и се крие шест месеци во продавница Toys „R“ Us, каде ноќе вози велосипед меѓу играчките, гледа филмови и планира нови кражби.

Во меѓувреме, се заљубува во Ли Ваинскот (Кирстен Данст), разведена мајка на три деца која го прифаќа без да го знае неговото минато. Под лажно име Џон Зорн, се вклучува во локална црква и се зближува со пасторот Рон (Бен Менделсон) и неговата сопруга Ајлин (Узо Адуба).

Неговиот пријател Стив (ЛаКит Стенфилд), исто така воен ветеран, и неговата девојка Мишел (Јуно Темпл) дополнително го поврзуваат со локалната заедница, додека неговата поранешна сопруга Талена (Мелони Дијаз) и нивните деца го потсетуваат на семејството што го загубил.

Во продавницата каде се крие се среќава и со Мич (Питер Динклејџ), шеф на Toys „R“ Us, кој несвесно станува дел од неговиот двоен живот. Иако Џефри ужива во новонастанатата слобода и друштво, неговото криминално минато и потрагата на полицијата постепено го стегаат обрачот, па неговата шармантна фасада почнува да пука во напнатата игра на мачка и глушец.

Дали треба да се остане по одјавната шпица?

Сцените по одјавната шпица постојат уште од 1960-тите, но долго време беа ретка и претежно духовита досетка скриена за најупорните гледачи. Дури од 2000-тите наваму стануваат масовно популарни и се претвораат во речиси задолжителен додаток кај големите филмски франшизи — често најавуваат продолженија или ѝ даваат на публиката дополнителна содржина.

Таков е случајот и со „Крадецот од покривот“. Постои сцена на средината од одјавната шпица која може да биде интересна за гледање, бидејќи ја објаснува позадината на вистинската приказна врз која се темели филмот. За време на шпицата се прикажуваат фотографии од вистинскиот Џефри Манчестер и Ли Ваинскот, како и исечоци од вести и интервјуа за ограбувањата на McDonald’s.

Каков е филмот всушност – најдобро е самите да заклучите откако ќе го погледнете.

Почетокот на прикажувањето во кино е од 16 октомври.