Но, како да воведете рамнотежа во исхраната на детето кое има навика да јаде само слатки?

Веројатно секоја мајка го водела овој дијалог со детето: Сакаш ли нешто да јадеш? Сакам, може нешто слатко? Но, воопшто не ручаше...

Не е невообичаено детето целосно да престане да јаде нормална храна и да бара само слатки. А, повторното воведување на познатата храна во нивната исхрана може да изгледа невозможно.

Зошто децата бираат слатки?

Причината е едноставна. Слатките се брз извор на енергија. И секогаш се вкусни. А, детето не размислува во категориите што е здраво, а што не е. Доколку му се понуди избор меѓу чоколадо и јаболко, секогаш ќе го избере чоколадото.

И самите родители често развиваат врска: слатки = лек за лошо расположение.

Вознемирен си? Ќе ти купи мама лижавче. Уморен си? Еве ти чоколадно млеко – заслужи!

Што треба да направат родителите?

Рутината е неопходна. Децата треба да имаат јасно дефинирано време за појадок, ручек и вечера. Не треба денес да појадуваат во 8, а утре во 12 попладне. Потребна е предвидливост.

Задржете ги основните намирници во исхраната. Дури и доколку одбива да ги јаде, нудете им ги како кашичка за да му помогнете да го запамети вкусот.

Вклучете го вашето дете во готвењето. Кога детето прави нешто во кујната, развива желба да го проба она што го направило.

Контролирајте го внесот на слатки. Зборот „не“ треба да биде јасен и бескомпромисен.

Избегнувајте грицки. Децата често не сакаат да јадат ручек затоа што испиле сок, изеле банана или колаче меѓу оброците. Родителите често ова го предвидуваат, перципирајќи го како ситен детаљ.