Рита Ора носела фустан со V-прорез и огромен шлиц, позирајќи во стилот на Анџелина Џоли, со испружената нога. Интересно модно издание, кое го го искомплицирало длабокото деколте – сосема непотребно и непријатно провокативно.

Рита Ора е добро позната на домашната јавност. Живее во Лондон, каде што се и нејзините родители, сестра и брат.

Мајката на пејачката, Вера, чие моминско презиме е Бајрактари, по професија е психијатар, додека таткото, Бесник Сахатчиу, е економист. Покрај Рита, имаат ќерка Елена и син Дон. Вистинското име на музичката ѕвезда е Рита Сахатчиу, но нејзините родители, за полесно изговарање, го промениле презимето во Ора, што на албански јазик значи „време“.

Вера и нејзиниот сопруг во 1991 година, поради политичките тензии, ја напуштиле СФРЈ, поточно Косово и Метохија, и заминале за Лондон. Рита Ора пораснала во Нотинг Хил, а од 2008 година професионално се занимава со музика.

Мајката на Рита Ора е родена во Призрен, ќерката ја родила во Приштина, а во Велика Британија работи како психијатар.

Рита Ора го добила името по омилената актерка на нејзините родители, Рита Хејворт, открила самата таа во 2015 година за „The Independent“.

„Моите родители не го знаеја најдобро англискиот јазик и едноставно ни создадоа сосема нов живот. Тие се навистина најкул, бидејќи не знам дали денес ќе бев тука доколку не беа такви какви што се“, рекла Рита и открила дека нејзиниот татко по доаѓањето во Британија добил работа во пицерија.

Живееле во изнајмен стан во Западен Лондон, а британската метропола го привлекла таткото на Рита поради музиката и културата, открила во 2020 година за „Vogue Arabia“.

„Не бевме најбогати меѓу богатите, но не бевме ниту најсиромашни меѓу сиромашните“, се присетила Рита за „Glamour“ во 2023 година и додала: „Постоеше некаков збунувачки среден слој – родителите еден ден можеа да нè водат на шопинг, а следниот ден немавме за училиште.“

Рекла и дека размислувала: „ако не успеам, дали ќе се вратиме таму од каде што дојдовме.“ Преселбата за нејзините родители била многу предизвикувачка. „Колку што бев постара, толку повеќе гледав што најмногу жртвувале – своите семејства. Беше прилично мрачен момент, но мојата мајка и татко секогаш извлекуваа најдоброто од лошата ситуација па тоа го сфатија.“

Рита за „Vogue Arabia“ нагласила дека Вера и Бесник многу се труделе да го разберат и прифатат следното поглавје од нивниот живот. „Нé научија да се бориме за она што го сакаме, да работиме напорно и да продолжиме понатаму, без разлика на околностите.“

Вера Ора е психијатарка ориентирана на помош на жени по породување, пишува „Glamour“. Работела како докторка на Косово и Метохија, но подолг период не можела да се занимава со таа професија во Лондон. Преживеала рак на дојка и мастектомија.

„Патот низ кој поминав беше навистина тежок. Во младите години лекувањето обично е построго и подолго трае“, говорела Вера, која во своите триесетти боледувала од канцер. Нејзината ќерка Рита тогаш имала 14 години и носела перики заедно со мајка ѝ, за да ѝ пружи поддршка и да ѝ ја олесни борбата. Мајката ја нарекла херој во емисијата „Live!“ во 2018 година.

Сакале нивната ќерка да стане позната

Кога Рита имала 13 години, ѝ се укажала можност да настапи на летен сајт. „Ѝ реков – види, Рита, имаш шанса да пееш“. Кога ми кажа дека е премногу срамежлива, бев вознемирена. „Но за ова се школуваш“, ѝ одговорив и заминав фрустрирана“, раскажала Вера Ора во 2019 година за „Hello!“.

Набрзо Рита сепак се вратила на сцената и почнала да пее песна на Бритни Спирс. „Тоа беше пресвртница за неа. Во публиката беа продуценти, сите ѝ даваа свои визит-картички. Јас ја следев до нејзините 16 години и бев безмилосно заштитнички расположена“, истакнала мајката на пејачката.

Рита Ора открила дека нејзината мајка ѝ помогнала во 2015 година да настапи во паб, иако тоа било незаконски поради нејзината возраст. Благодарение на Вера Ора, пејачката се запознала со познат продуцент и подоцна склучила договор со него.

Мајката на Рита Ора направила скандал поради српското знаме

Кога Рита во 2023 година на настап во Унгарија зелa српско знаме и го раширила, мислејќи дека станува збор за унгарски симбол, нејзината мајка направила драма во бекстејџот.

„Жалам што многу викав, но се изнервирав“, порачала Вера Ора преку Инстаграм, со што ѝ се извинила на ќерката која имала низа контроверзни изјави за Косово.