Кристал Палас ја освои „Вила парк“ во Бирмингем и ја запиша првата победа во новата натпреварувачка сезона во Премиер лигата, триумф кој дојде навистина многу добро за „орлите“ по двете реми средби на стартот.
Тимот на Глазнер славеше со 0:3 и запиша авторитативна победа против силната Астон Вила, но овој натпревар привлече внимание и поради еден момент од првото полувреме.
Жан-Филип Матета го отвори резултатот со гол од пенал во 21-та минута, но набрзо откако го направи тоа, влезе во судискиот бележник поради несекојдневна одлука на главниот арбитар.
Матета ја режираше својата традиционална кунг-фу прослава и го закачи корнер знаменцето, по што судијата Атвел реши да му покаже жолт картон.
Сите фудбалери од гостинскиот тим останаа во неверица од одлуката на судијата, а шокиран е и Кол Палмер кој се јави со оригинален коментар на социјалните мрежи.
– Фудбалската игра исчезнува…
Cole Palmer's reaction to Jean-Philippe Mateta receiving a yellow card for his corner flag celebration 😅 pic.twitter.com/9aJeIif7ZD
— Football on TNT Sports (@footballontnt) September 1, 2025
