Но, тоа е сериозна грешка – престојот во мокар костим може да доведе до низа непријатни здравствени проблеми, од габични инфекции до болни уринарни инфекции.

Совршено тло за развој на бактерии

Внатрешноста на мокриот костим е и топла и влажна – совршена средина за размножување на бактерии. При капење, материјалот впива разни хемикалии и микроорганизми од базените или морето, а откако ќе излезете од вода, интимната зона останува затворена во тој материјал, заедно со штетните супстанции.

Ова може да ја наруши природната рамнотежа на добрите бактерии во вагината или да овозможи навлегување на штетни бактерии во уринарниот тракт – што може да доведе до инфекции како бактериска вагиноза или инфекција на уринарен тракт (ИУТ).

Симптоми што укажуваат на проблем

Бактериска вагиноза:

• Промени во вагиналниот секрет (непријатен мирис, сивкаста боја)

• Чешање

• Оток или болка

Инфекција на уринарен тракт (ИУТ):

• Силен и чест нагон за мокрење

• Печење при мокрење

• Болка во долниот дел на стомакот

• Заматена урина

Што да направите?

Ако почувствувате некој од овие симптоми, важно е веднаш да се консултирате со лекар за соодветна терапија. Препорачливо е да внесувате многу течности, особено вода и чаеви или сок од брусница, како и додатоци на база на брусница.

Мокриот костим – ризик за габични инфекции

Габите најдобро напредуваат во топла и влажна средина – токму каква создава мокриот костим за капење. Ова е особено ризично за жени склони на вакви инфекции. Бактериите и габите можат да предизвикаат прекумерен раст на "Candida", што доведува до симптоми како:

• Печење

• Чешање

• Густ, бел исцедок

Жените со дијабетес или ослабен имунитет се изложени на повисок ризик.

Што да направите?

Антигабични вагинални креми и лекови (со или без рецепт) можат да помогнат. Ако симптомите не се повлечат, задолжително посетете гинеколог.

Исип сличен на атлетско стапало

Седењето во мокар костим може да предизвика и габична инфекција на кожата во пределот на гениталиите, слична на атлетско стапало. Контактот со дерматофити – одреден тип на габи – може да предизвика инфекција на кожата на препоните, внатрешната страна на бутовите и задникот.

Симптоми:

• Црвен исип во пределот на препоните и наборите на кожата

• Лупење, печење, чешање

• Можни пукнатини или влажни делови на кожата

• Исипот често е поцрвенет на рабовите, а поблед во средината

Што да направите?

Креми или пудри против габи кои се наменети за интимна употреба (достапни и без рецепт) обично ја решаваат состојбата. Во потешки случаи, потребна е лекарска терапија.

Совет:

Избегнувајте подолго седење или сончање во мокар костим. Пресоблекувајте се веднаш по капење и носете сув, чист костим за да го намалите ризикот од инфекции.